السلام عليكم ورحمة الله وبركاته
قصيدة للشاعر شبل عصيم الميزاني شاعر الغربة
وجودي على جيب جديد ونوعه شاص
بعد تم تصميمه صدر للسعوديه
يقص الطعوس النايفه قصت المفراص
توانك ثنين مواصفاته خليجيه
وأنايوم ابشر الشاص ماقصدي المقناص
ولامقصدي فالجيب رحلات بريه
ابيه ايتحرك عصر من شارع ابن العاص
من العاصمه ينصاالديار القصيميه
وعلى حوضه الرشاش ومفلله رصاص
على شان ماياقف لياشاف دوريه
توجه على خط البدايع وشغله خاص
يمين الشفاء ويسارعنه السليسيه
يواصل مسيره عن طريقه ابد ماحاص
يبا الديره اللي نص اهلها كثيريه
يسوقه شجيع ليامسك طارته خلاص
إرهابي شنب وثنين معه إنتحاريه
جريمه مهمتنا بها يصدر القصاص
طلبنا صعيب ولايجي كود جبريه
نبي ننهب اللي خدها كنه إكة هاص
وعين ليالدت عيون النداويه
لياناضرتني كن يلذع بقلبي ماص
واضيع كلامي بين هاذي وهاذيه
وحمر الشفايف توت مصبوب وسط إقلاص
ونهود وردايف تطوي الثوب كم طيه
عليها نطق الباب لو دونها حراص
بعد ماحداني شايب نيته نيه
وبها لامشينا يتعب المري القصاص
من المملكه ندخل حدود العراقيه
نشر من : فهيد بن مطر الشمري