احبك كلمةِ,,,, صارت بخيله
عجزت اوصف بها صادق شعوري
شعوري بك قصيده مستحيله
وكلمة حب ما ترضي غروري
انا حبي لك اسطوره طويله
وصعبه تختصرها لك سطوري
لاني عشت بك دنيا جميله
مليناها بحضورك وبحضوري
اهني النفس بك في كل ليله
تعانق فرحتك فيها سروري
غرامك صار لمحبك دليله
وحبه لك بعد اصبح ضروري
وش اهديلك اذا روحي قليله
عليك وعاجز اوصف شعوري
حبيبتي ما بقت في اليد حيله
ولا تسواك باقة ورد جوري