أنا من الاصوات صاير جفولي= كثروا رماتي وأزعجوني بالاصوات
إن جيت أعادل كل قولٍ بقولي= يمشي معي زول العنا كل الاوقات
وإن جيت أطنش ريشوا نخنخولي=حطوا على دربي عيونٍ وخفارات
إن كان ما صادفتهم صدف جوولي=ما يسمحون آخذ نفس وأنعش الذات
يبسوا على قصدٍ معوكس يهولي=وأنا إعتصمت بحبل رب السموات
ماني موخر شبر تقصر تطولي=إما إنتهى يوم الفتى حيً ما مات
وإنما إضرست بالزند سود الحجولي=والله لتسبق مدتي كل مدًات
واليا إنفلت مني عنان الذلولي=خليتها تطوي الخرائم ولا جات
ما أرجي سند من باليات الهمولي=شوفت خرايمها على العين نكبات
يالايمي خذني بقدرً معقولي=وإن كنت صدق تعزني قل سلامات