اقتباس:
المشاركة الأصلية كتبت بواسطة عبدالمجيد الظويفري
بسم الله الرحمن الرحيم
السلام عليكم ورحمة الله وبركاته
أسعد الله أوقــآتكم بـكل خير
إلــيكم ماحصل في لــيل الربــوع
لــيل الربــوع
جدد جفاه و ضاق بي ليل الربوع = لو كان من بيني ومن بينه وعد
جيته وأنا اللي دايم بوصله قنوع = أنسى جفاه ، وشوفته لحظة سعد
هذا مكانه موحش ، وطبعي جزوع = كله ظلام وريح وأشجار ورعد
مهجور ، واللي شفته آثار الشموع = من بعد مافيه إلتقينا ما قعد
مدري وش اللي صار به زين الطبوع = مدري نساني صاحبي وألا بعد
أنا أعرف إنه بالهوى ماهو قطوع = لكن بدون أسباب قفى وإبتعد
ياطير رحله بـ الغروب وبـ الطلوع = قله مقامه كل ماينزل صعد
قله يجي وإن كان مايبغى الرجوع = رحله عشاني وإن زعل مر وتعد
وأنا علي الصبر في ليل الربوع = مدري نساني صاحبي وألا بعد
شعر : عبدالمجيد الظويفري
|
عبد المجيد الظويفري شاعر قوي وجزل
شاعر اجبر الشعراء الكبار ان يستمتعون بشعره الراقي واسلوبه المدهش
قصيده حركت في الخاطر الشي الكثير
صح لسانك يا خال وبيض الله وجهك
دائماً تعانق القمه بروعة شاعريتك