نص تقف جميع الكلمات دون وصفه
وهنا يقف الكلام .
عبدالمحسن الشاطري سلم ابداعك وجعل الله هذا القصيدة في ميزان حسناتك على كل حرف جبل من الأجر .
ثنينا الحضور وكل جوله لها مخلاب = بحرها يمد الموج لوله ومرجانه
أمارة جوابي لوحةٍ تسحر الالباب = على خد عفراً شوكة الحرف ولسانه
مناكب سماء الآفاق وأبعاد الاسطرلاب = نظيراً عليها العقل حضّرت برهانه
تخاصمت أنا والنفس واليا الهوى غلاّب = غرامٍ يقود الزمل عوده وريانه
قمرني رسول النفس وأهذبت به مهذاب = على ربوةٍ تلعب تراويح غزلانه
أخذني وودّاني بالأيسر من الكتّاب = والأيمن من الكتّاب محرمني إحسانه
قد أسهبت معه إسهاب وأطنبت معه إطناب = وصفقت المهيم بحجة العقل وإيمانه
ردّيته على الأعقاب خوفٍ من الأعقاب = ومن لا يميزها بعقله صغر شانه
أمانتك صنها واعلم أنك وديع كتاب = تلزم طايره فالعنق وأقرانك أقرانه
بما عنك تعطى منك والهينات صعاب = لاتعجبك عافية البدن وأنت سقمانه
يمين إنها متعه ولهو وعناء وأتعاب = سرابٍ يزول اليا آمن الشرب ضميانه
مالك عن سبيل الموت حاجي ولا مجناب = مقيماً عليها موقف الرحل مضعانه
ماحاضر عليها الا وغايب مع الغيّاب = تحت كمها بين الجدارين مسكانه
على حال ماهي مستقره لشيّب وشاب = كلٍ للفناء عنوان غيره وعنوانه
خلايف سلف وأسلاف الأخلاف بعد أحقاب = مدارٍ عليها الوقت نافذ بسلطانه
لابد إنها للحي ماتفتل الأشناب = ويجي سندويشت بطنها داخل أكفانه
طريح الضريح ومامضى منه حرف حساب = أمانيه بور ونازع الروح ديّانه
حياة الفتى فرحه وترحه ومرض وطاب = وصرخة فراق تلم ربعه وصدقانه
أعز أصدقاه اللي يدمدم عليه اتراب = ويحزن عليه أيام لن طالت أحزانه
لبيض الليال ثياب ولسودهن ثياب = ومن يامن الأيام ماسره آمانه
يقول المثل : مادام ياعين لك ماطاب = وربيعٍ كم العبت الهبايب بعيدانه
لو أنه زهى نبته وجاء له زهر وأرقاب = وغنت طيوره بين روضه وغدرانه
يسر النظر ويشوق الأنفس بكل إعجاب = هلالين والا خمس أهله تزيانه
مصيره يباس العرق من شاوي الملهاب = يصرّم عذاه وعاف يالريح ذرعانه
إخذ صورة المرباع بالمنظر الخلاب = وطالع ثراه اليا أمحل النبت ريضانه
كذا صورة الدنيا على وجه الإستجواب = مثل ماوصفها مالك الملك سبحانه
ماهي منزلٍ لك لو عليها فتحت الباب = يعلمك عنها من تعرفه وفقدانه
ماسرّتك غير لضرتك واثبه ميثاب = غرورٍ نكور مخادعيه وخوّانه
ليا إحلوّ منها مشربٍ جاء له مشراب = من المر ينسي شارب الحلو عذبانه
عيّنت الكثير من الأقاريب والأصحاب = عليها القلوب تحن والعين هتّانه
طلّقها لتسلم غب مكروهها وإرتاب = جنّب مايشوق وماينوب إلزم عنانه