--------------------------------------------------------------------------------
كون الشعب بين الموازين وابن رشيد
في اوائل القرن الثاني عشر نزل ابن مدلج امير الموازين بربعـه من الحـــرة الي نجـــد
وكان اول منزال لهم الشعب وكان حيناها ابن رشيد غازيا علي عــتيبة والبقوم واغتناما
منهم غنائم كثيرة وكان مخطط في طريق عودة علي ان يمر الشعب لكي يشرب الجنـــد
والحلال جاهم النذير لست اذكراسمه وقال لهم منزالكم هذا ماهو مبروك ابن رشيد جاكم
غازي من عتيبة والبقوم ومعه القبائل وكان معـــه الفارس والامير الحميداني وكان حينذ
ابن رشيد حاكم للجزيرة العربية وكان قـــل من يجرء للوقـوف امام وجهــه ركـب امراء
الموازين مغلي وعوض وساقوا البـــل والغنم راحلين وتراكين النساء خلفهم وقـــليل من
الرجل الفرسان وهم:
1- مرزوق الديري القحم
2- صامل ابن حمود القحم وابنه حنس
3- حامد ابن غالي ابن حميد القحم المعروف بمنقر
وكل من هؤلاء اتخذوا اماكن لهم :
حامد اخذ بندقيته وجاء في الهضبة
صامل وابنه اتخذا ماكانهم في وادي
والديري اخذ مكانه في احد البرقان
المهم وعندما اقبل ابن رشيد ومن معهم من رجال ومعهم الحميداني وفاجئهم صامل ببندقيته
ام فتيل وكانت عندما تطلق النار تهتز الارض من تحتهم وتطبق اسماعـــهم وهــم في وسط
الجبال فيحسبون انهم يقاتلون امة قائمه فقام صامل فارسل ابنه حنس ليتبع ابن مــدلـــج ومن
معهم فلحقهم وادركهم في وادي ابا الحيران فقال لهم ارجعوا لقد حاصرنا ابن رشيد وانشاء
الله سوف يهزمه الله فرجع الموازين للشعب وعندما اقبل الظلام فــاذا بالفارس قــد اقبل علي
الموازين فاذا هو الحميداني فقال:ازوني يامطير قالوا اشرب لعلك لشربه انت وراك تدل ابن
رشيد علينا قال مادليته يامطير ابن رشيد غزا علي عتيبه والبقوم وانتم علي دربه ولكن هـو
ارسلني يقول لكم دعوه يشرب هو وحلال ولكم الامان ؛وتراه ابن رشيد ماله ذمه لـيا شـــرب ذبحكم
المهم رفضوا الموازين ان يشرب ابن رشيد لما يتصفب بالغدر والخيانة ذهبا الحميداني الي ابن رشيد
وتبعه اثنان من الموازين فقال ابن رشيد ماذا وجدت يالحميداني عن ربعك المطران فقال: لهــا
وجدت نار وعماروجنونتن فالضلاعان فهبطت معنويات قوم ابن رشيد حتى طمعوا بالهلاك من
شدة الظمئ حتى ان بعضهم يريد الفرار فقال :ابن رشيد امرحوا ياشمر والله يامن مس شـــداده
ان عوضه شداده امرحوا وبكره نبا نصبح القوم؛ جمع ابن مدلج ربعه وفقال سوف ننقسم الــي
فرقتين فرقة بقيادة عوض ابن مدلج وفرقة بقيادتي يقصد نفسه مغلي ابن مدلج فقال مغلي انت
ياعوض ومن معك اضربوا البارق وانا ومن معي سنضرب قلب الجند فبدئت المعركة في جنح
الظلام وهزم ابن رشيد ورفاقه وهربوا تاركين ورائهم القتلى والغنائم التي اكتسبوها من عــتـيـبـة
والبقوم
هذه قصيدة قديمة والشاعر لافي ابن صلال ابن دخيل الله الغميمي
في كون الشعب عثرت عليها من بعض الشيبان
من لايقوم بغير حـق الله ضعيـف ....... والباطل الله يكسـره واللـي نـواه
يومنهم جونا مثل جمـع الشريـف .........يبون حنـا الخـدم وهـم الـولاة
مثل الخيال الى مزونه له رفيـف .........وجاته شعوف طيرت سيلة ومـاه
حنا هزمنا ابن رشيد عن المضيف .......الى مشيت كل القبايل في رضـاه
بعد مافض اهل اليمن راحو نتيـف ........الآد روق اللـى قدايمهـم عصـاه
يبا نزلت الشعب مع نزلت عفيـف .........ولا عين الا اخيذ من ضاعت جداه
ماهوب بواق على الساس القضيف .......ساسة على الباطل ومصلوحه لقـاه
خله يذوق غرازهم عقب العطيـف .........والرب مايخلف علـى بيـت بنـاه
وربعي كما الضلع البتيل اللى منيف ........مازعزعوا يوم الحرايب والجنـاه
لافي ابن صلال ابن دخيل الله الميزاني
واليكم القصيدة التي تصف جو المعركة يقول الشاعر:
ربعي هل الحربة علي الجد ميـزان .........الفاريـة مـن قبـل ماحـد كسرهـا
ابنى سفر وجبار من غيـر نقصـان............وابنـى المسلـم مأيخفـى نـذرهـا
هم الفخر لنـا علـي دور الازمـان ...........قبل السعـود وبعـد يعلـى قمرهـا
يوم الليالي عجف والنـاس عـدوان .........اديارهم فـي كفلهـم عـن خطرهـا
تسرح رعايهم تحت شلف وحصـان ..........دقلاتهـم عبـرة وتكبـر عبـرهـا
في راي بن مدلج وللـراي سلطـان ............اميـر بــدوان تـعـزه جبـرهـا
تضرب به الامثال فـي كـل ديـوان .............وهيف النفوس ليـا غواهـا نعرهـا
وان ثار من ملـح البواريـد دخـان .............تحمى الوطيـس ولاتحسـب كدرهـا
الشعب يشهد يوم روغـات الاذهـان ...........يوم النفوس الطايشـة فـي غررهـا
بن الرشيد اللي غزا القيض ضميـان ..........عـاف الشـراب ولابتـي ماقدرهـا
صاح الشجيع وقاد في الحرب شجعان...........الديـري اللـي بندقـه ماقصـرهـا
وصامل علي العدوان حربه وبركـان ...........جيش العدا عمريـن فعلـه دمرهـا
وحامد حصرهم حصر مابين ظلعـان ............شب المشوك في الكبـود وصهرهـا
وراع الذلول ادميك رمح من الـزان ............ودى الوداعه والمصاعـب عبرهـا
دون النساء والعزوة اللي لهـا شـان .............معروسـة بقلوبهـم مـن صغرهـا
والخوف بقلوب العدا حـط مسكـان ..............خيـم عليهـا والقلـوب استعـرهـا
خلوه يرجع عايف غصـب خسـران ...............ينقـل صوابـه والعيـون بجهرهـا
تقسمـوا مالـه ومعطيـن عتـبـان ..................يـوم العتيبـي للعـوانـي ذكـرهـا
ابن الرشيـد اجتـاح شيّـا وبـدوان ................جـاب السـوارح والاوادم جزرهـا
واليوم يالمطران من سـي واحسـان ............حنـا وخذنـا واللـيـال بدهـرهـا
سلطكـم الله سلطـة فعلهـا بــان ...................بكسر الرشيـد وكسرتـه ماجبرهـا
خيالة المطران في الارض فرسـان ..............تعرف مرابط خيلهـم مـن ذعرهـا
وان صاح صياح الضحى قال مطران ..............حمر العيـون اللـي قـوي نظرهـا
تخضع لهم روس العدا شـي وكـدان ...............بالطوع والا سيوفهـم فـي نحرهـا
كم واحـد لمطيـر مذهـب وديـان ...................ولـو الذواهـب بينـه ماسبـرهـا
من خوف لايصبح غدا الذيب سرحان ............والارمـيـة للـكـلاب وجعـرهـا
النـادرة ميـة عظيمـات الاكـوان .................تاريخنـا بيـن القبايـل سطـرهـا
للقـول شهـادة وللفعـل بـرهـان .....................والكـذب ماهـدم بيـوت وعمرهـا
..................................
منقــــــــــــــــول