سـاقـت شياهـيـن الفـكـر ورِدْ وردك.=وذابت على صدر الـورق شمعـةٍ فيـك.
فـي ليلـةٍ يَقْطِـفْ بهـا الـورد يــدك.=وكـل وردةٍ تبغـى الهنـا مـن أياديـك.
وجـدي لقلبـك وجـد قلـبـي لـوجـدك.=ممـزوج روح وروح فيـهـا مشاكـيـك.
شبيـت نـار الشـوق وطفيـت خــدك.=أروع غـرامٍ ينتـشـي لــك ينـاديـك.
برسـم عنـا بُعـدي وشوقـي وبُـعـدك.=جمـرٍ يلاهـب خافقـي كـل مااطـريـك.
تجلـس معـي ليلـه وينـبـاح ســدك.=وأقـول سـدي كـل مافـيـه يبغـيـك.
أنـثـرك بأشـعـاري وألـمــك وأردك.=شـعـرٍ يـلامـس بالثـريـا معانـيـك.
أشـوف روحـي حدهـا الـيـوم حــدك.=وأقـول عمـري راجي(ن)كـل مافـيـك.
هجيـر ثـغـرك ساكـنـن بـيـن وردك.=......................................
أشـب نـاري مـن طـرف قَـدح زنـدك.=وأروي عروق الـذات والعيـن تسقيـك.
يقـدح فتيـل الـعـود والـنـار نــدك.=ويفـوح عطـرٍ مـن شـذاه لمعالـيـك.
تسهـر معـي وأقــول للقـلـب قــدك.=ليله...!بهـا كـل الثـوانـي مدابـيـك.
تقـول صالـح.! قلـت أبـوكِ وجــدك.=أنت الوليف شلـون مااطيـع وأرضيـك.
تهمـس تقـول الليـل جـافـل وهــدك.=وأقـول عينـي توهـا ماأهتنـت فـيـك.
قالـت عهـد شهـرٍ لـيـا صــار ودك.=وأقصـر ليالـي العمـر ليلـة ملاقـيـك.
تـرحـل وأقــول الله لـيّـه يـــردك.=والعيـن ماعـت والمعالـيـق تبكـيـك.
صرت أحتـرق وأرجـي بالايـام وعـدك.=وأذوّب لعينـك نَـجـمْ يــوم أغنـيـك.
هـذي عـروق الحـب تــارد لـعـدك.=ويـوم أرتحلتـي جـفْ منبـع مساقيـك.