البارحه والعين ياسلطان عانقها السهر = سهرت مع بيض النجوم الشامخات اعدّها
ومن ضمنها نجمه تذكرني ببراق النحر= من لونها يآخذ نحرها مع طوارف خدها
ابو ثمان(ن) لاضحك آصل ليا حد الخطر = وأخاف من شوق المحبه لايزلزل رعدها
وسريت أهوجس في زمان فات والغالي حضر = والصوره اللي من ثمان سنين مخفي ودها
وعرفت ان الحب بعض أحيان بيساوي صفر = وأن الفرح فتره قصيره في يديك تعدها
وأن التجارب فاالزمن تبقى على طول العمر= ولاتطول أحلى الليالي لو تضمك يدها
ولا كل من خضب كفوفه زان في عين البشر= ولاتزينه الجدايل لو يطوّل كدها
الا هنوف(ن) وادعتني وأعلنت يوم السفر = وقلت السلامه والمحاجر واصله لآحدها
تبغى الكويت ديار اخو مريم عساها للمطر = الديره اللي حبها فاالقلب يلعن جدها