قلبي يحب مطير.. ومرافـق مطيـر .. احبهم... لو ما انتسابـي مطيـري
:
:
ليا ضاق صدري من حلوق العصافير
البعد به كيفـي وراحـة ضميـري
اسج رجلي مـع طـوال المشاويـر
بعيد عـن واد العـوى والصفيـري
مالله موازيني علـى نافـخ الكيـر
يبلش .. ويبلش به من الناس غيري
اسج رجلي وانتحي وابعـد السيـر
وأقـدا لحمـران النوظـر مسيـري
قلبي يحب مطير.. ومرافـق مطيـر
احبهم... لو ما انتسابـي مطيـري
أهل السمـوت مدلّهيـن المساييـر
اللي يعـزون الخـوي والعشيـري
برباعهـم صفـر الـدلال المباهيـر
وقت الرخا.. ولا الزمان العسيـري
وحيل عدوا.. ويقلطونه على الميـر
يقلط عليها المرتجـي والقصيـري
وان جاء نهار فيه شـر بـلا خيـر
وجاهم من الخصم المطرّف نذيـري
ولحقوا على اللي مثل أفام الخنازير
اللـي يـردن للكميـن المغـيـري
حقب العيون مسودسات المساميـر
عنتـه برحيهـا لــه صـريـري
وحطن على الجمع الموالي معاصير
بكـرارة منهـا يشيـب الصغيـري
تشوف جدع الروس مثل الشنانيـر
واللي سلم منهم قضيـب وكسيـري
كم راس قوم به نـوان وسعاطيـر
فرّش تراب عقب فـرش الحريـري
فريّس ما هو صف حكي وتصاويـر
ليا عمست الارياء وضاع المشيـري
وقفاتهم مـا ياقفـه سالـم الزيـر
بيـوم عبـوس قمطريـر كبيـري
يتلـون فتخـان تهـز الطوابـيـر
ليا كبـرت القالـه تحـد النحيـري
دوشان يا جا الحكي زود وتقصيـر
حبل الزعيم اللـي بغاهـم قصيـري
في رأي فيصل شوق عكش الغنادير
صخاف الوسوط مهلكات الغريـري
الشيخ ابو بنـدر صبـي المخاسيـر
لا ثارت الهيجاء وعمـي البصيـري
تفرح بهم حم الشعـاف الخواويـر
حرد اليديـن مخوضـات الغديـري
يٍقرون باللقـوات عكـف المناقيـر
برق الطيـور مـراوزات الحفيـري
بيمانهم حـدب السيـوف البواتيـر
اللي تلامع مثـل ريـش الزعيـري
وشلـف مضاربهـا تفـج الاباهيـر
ويبرأ بها غـل المغـل الحسيـري
مركاضهـم تضيـع فيـه المداويـر
يا ما تعشوا مـن شنـاح وميـري
ولا قلتهـا وابـي وراهـا دنانيـر
تعبير... وارجو المعـذرة بتعبيـري
:
للشـــآعر
عواد حمود شامان الشمري
منقول من موقع مطير