السلام عليكم ورحمه الله وبركآته ..
آسعد الله اوقآت الموآزين بالخير ..
وآعتذر عن غيابٍ بدر مني فالايام الماضيه ..
::
اتمنى آلتمآس العذر..
::
::
وآليكم عسى ان ترتقي لذائقتكم ..
مرت ثلاث سنين والهم في زود=مرت ثلاثٍ من غيابه عليه
صبرت مير الصبر معاد به فود=صبرٍ تحطم وانتهى في شويه
ياغايبه فكري من البعد مشرود=والنفس صارت من غيابك رديه
عايش ولكن جسمي اليوم كالعود=جسمي نحل وغيابك اكبر اذيه
سود الليالي جات مآوفّت عهود=اهي السبب واهي العنا والبليه
ليت الزمن يرجع وياليته يعود=يومٍ حياتي معك عيشه هنيه
نسهر وكل الناس هجّاع ورقود=وذيك المشاعر والنوايا نقيه
وـآقرى كلام الحب بعيونك السود=وتقرى كلامي من عيوني عليه
واعطيك بسمه من ثناياي وتزود=مشاعرٍ في داخلك نار حيه
واسمعك شعري واصدق احساس عبود..!!=شعرٍ تعطر من مسامعك ضيه
واليوم انا والشعر والحظ مقرود=حظٍ برك عيا على النرجسيه
احبها والحب من زود في زود=حبٍ كتبته من حروفٍ نديه
حب الشرف بيني وبينك له حدود=وحب النقا منهاجنا والقضيه
يازهره البستان ياكل الاورود=حبك وعشقك ساقني للمنيه..!