كان الشاعر والرواي الشيخ / محمد بن سند بن مصاول بن مدلج ,
يرقد في مستشفى الملك سعود بعنيزه اثر وعكةٍ صحيه ,
وكان موسم بن مناور الجبيل يرقد بجانبه لتعرضه لحادث مروري ,
فحينما خرج الشاعر محمد بن سند قال هذه القصيده موجهه الى موسم الجبيل
ياموسم الدنيا بها شر وعثـور
وكل الأوادم تشتكي من قشرهـا
أسبابها تمشي على الخلق وتدور
ليمن رب البيت بامـره ومرهـا
دنيا بتاريخ العرب مالها سـور
تبي تهد جبالهـا مـع شجرهـا
أقفت بفرسانٍ لها شلف ونحـور
هدت مبانيها وأخفـت سورهـا
أنا مصوب وأنت طايح ومكسور
والكل منّا يشتكي مـن عورهـا
واصبر لعلّك تالي الوقت ماجور
لعلّ باسك ينتهي مـع شهرهـا
الله يبرك عقب كسرك من الحور
في جنةٍ يعجبـك لـذة ثمرهـا
قلته وأنا في جوهر اللعب دكتور
أصخّر الأمثال وأقطـف زهرهـا
تمت وسامح كان في لعبتي زور
مني وراحة نورها فـي نحرهـا