أنامدري وش اللي صار فيني يا لطيف الروح = عقب ما طالت المده على بالي تذكرتك
تخيرتك من أعماقي وباب القلب لك مفتوح = لو انك منت غالي كان والله ما تخيّرتك
ترى ما همني غيرك صراحه من يجي ويروح = كبرت بنظرتي من دون ما تدري وقدرتك
عطيتك حبي وكل أهتمامي رغم انا المجروح = بعد لو تطلب عيوني هديه ما تعذرتك
أشوفك في خيالي وارسمك صوره بكل وضوح = مكانك داخل ظلوعي بدون فلاش صورتك
لقيتك مصدر أعجابي بعيني دايم المملوح = وانا لو اني أرهابي بحبي كان فجرتك
أحبك واعترف لك والمحبه سرّها مفضوح = تجاوزت الخطوط الحمر من شانك وعبّرتك
امانه لا تخليني على درب الشقا مطروح = يكفّيني حنانك ليتني بالعين ناظرتك
عساها تكمل الفرحه وعن كل الخطا مسموح = وتعرف قيمتك في قلب غيري يوم حررتك
غموضك من وضوحك لوشريط الذاكره ممسوح = مسكتك ياحمام الورق بيديه وطيّرتك