منتديات الموازين الرسميه - عرض مشاركة واحدة

غير متواجد حالياً

ياوطنـا دامـت أعيـادك=كل عـام وكلنـا دونـك
الفخر يقدح مـن زنـادك=والرخا يورق من غصونك

والمدى يستلهـم أبعـادك=والندى يقصر من لحونـك
يوم جينا نكتـب شـدادك=والقلوب تقـول ياعونـك

القصايـد يـوم ميـلادك=يـوم شافتهـم يهنونـك
جت تخطى فوق سجـادك=وريعت في صدر مضنونك

ومن غلاك وشيمة أمجادك=تنحنـي وتقبـل متونـك
ضم صدري ضم رعـادك=لالوى برقه على ردونـك

لين يروى مـن تنهـادك=ياعساني فـدوة مزونـك
ياوطن يسعد لـي بـلادك=فدوتـك مـن لايودونـك

من يخون بملحـك وزادك=خان ربه قبـل لايخونـك
قم تنقى وألحـق افـرادك=بالعيال اللـي يعجبونـك

ماخلق من يكسر عنـادك=والخـوارج مايهـزونـك
اعثـر الله حـظ حسـادك=لعنبـوهـم مايعرفـونـك

مادروا عن سيرة امجادك=وماأستشفوا عقد مضمونك
قـادوا الظلمـا لميعـادك=وأكتسحهم نور مكنونـك

وفجروك وشفت مرقـادك=جرة القمرا على جفونـك
كل هذا الحسـن ببـلادك=وكل هذا الكون ممنونـك
ماتبى شاعر مـن بـلادك=يعشقك ويصير مجنونـك

مماراق لي ....