صحت ألسنتكم جميعا
وهذي قصيدت تو قلتها طازجة تضامنا مع موضوعكم الجميل
و تستاهل ديرتي اللي تربيت فيها و جمعت عيال الحمايل على العز والطيب
و لو أني لست بشاعر ولكن في يوم الوطن المفروض الكل شاعر ^^
يا وطنّا يا وطنّا يا وطنّا يا وطنّا = عاد يومك كل ما هبت ذعاذيع الهبايب
يا زمانٍ راح كنّا لين صرنا اليوم حنّا = السعد قسم لنا في دارنا و ابليس هايب
آه يا شبه الجزيرة ويش حالك يوم كنّـا = لين صرنا بأمر رب المعجزة ربع و حبايب
والعلم مرفوع والأبطال من دونه تثنّـا = خايب ٍ ياللي تزعزع دارنا والله خايب
انت ياللي في حمى ديرتك دايم ممتحنّــا = هـبّ يا مبداك يا فعلك بنا ويش انت جايب
الكرم والخير والنعمة وكل شيء نتمنّــا = جات من رب العطايا موهب النعمة وهايب
و لو حصل مهما حصل في دارنا منّـا و منّـا = و لو يشوب ثيابها ولباسها بعض الشوايب
ساعة الميقاف وأن دنّـت طبول الحرب دنّـا = ما تشوف إلا عيال المملكة وقت النوايب
نحتمي ميقافها بالعزم والسيف المحنّــا = وندحر ضعاف النفوس ونحتزم وقت الصعايب
السهم و الدرع والشلفا على الرمح المطنّـا = عدةٍ نعتدها نبري بها جروحٍ عطايب
الشعوب تثور في الجمعة و حنا ما زعلنّـا = نعلن الفرحة بجمعتنا مهي جمعة مصايب
احمد الله واشكره باللي تمنّــا يا مهنّــا = اهتنى شعب السعودية شباب وكل شايب
وطالبك يالله تامنّــا و كف الشر عنّـا = و تسقي الدار السعودية من طهار السحايب
وراح انزلها في موضوع مستقل إن شاء الله
نايف العضيلة ,, في يومه الوطني ^^