جريح القلب صبره ما يفيده = مدام الصبر طول فوق حده
صبرت أيام وليالٍ عديده = وطال الصبر وقلبي باح سده
سنين العمر أعايشها عنيده = وأنا اللي كل شيٍ صار ضده
وأنا اللي شاف موته في وريده = وأنا اللي دمعته من فوق خده
وأنا يزداد همي في رصيده = تمادا بالشقاء جزره ومده
وأنا اللي ما لقاء شخصٍ عضيده = وأنا اللي ماحدٍ لي مد يده
ليا جيت أبتدي رحله جديده = ضروف الحظ عن مبغى ترده
أشوف الوقت سوالي مكيده = وكل اللي بنيت الوقت هده
ومدام النفس ماهي مستفيده = نويت أطوي فراشي والمخده
رحلت وناوي ديارٍ بعيده = وهاذا الدار مالي فيه لده
وقبل مرحل نويت اكتب قصيده = وأبا أرسلها لمن قلبي يوده