قبل فترة وعدتكم هنا
بالجزء الثاني من صور قطتنا المصون عند لحظات الولادة وما بعدها , وها أنا اليوم أنفذ ما وعدتكم به ..
تحذير : اللي مايحب القطط أو يخاف أو يشمئز منهن رجاء لايكمل بقية الموضوع أو يكمل وهو ساكت لا يقعد يذب ويعلق ويخليني أكره الساعة اللي نزلت فيها موضوع " وش عندها تهدد " هههههههه
/
/
/
سبحان الله في حياة القطط عظة وعبرة لمن لم يعايشها ..
مثل ما أمهاتنا يشعرن بألآم المخاض والطلق فكذلك القطط سبحان الله في أحد الأيام لاحظنا على قطتنا تصرفات غريبة ليست كعادتها " يا عمري من حر ماتونس أثاريها بتولد " حتى ماتشرب ولا تاكل .
من الصباح إلى العصر وهي حالتها غير طبيعية .. وقبيل المغرب بحمد الله هون الله عليها وانجبت 2 من الأبناء وبعد المغرب انجبت أيضا 2 من الأبناء .
هنا وعمرهم لم يتجاوز ساعة " شوفوا كيف ضامتهم وخايفة عليهم "
هنا عمرهم يوم ..
سبحان الله صغنونين كأنهم جرذان .
شوفوا كيف ضاغطة عليهم من شدة الخوف .
لسان حالها يقول " خير ليه تصوريني !! " ههههههه
لقطة مؤثرة صراحة شوفوا كيف الام خاضعة ومسلمة نفسها لأطفالها عشان يرضعون .
الرضاع من اجل البقاء
لقطة طريفة هنا الام كانت تحمم ابناءها الواحد تلو الآخر .. شوفوا كيف منظفته ومسرحه شعره وحاطه عليه جل ههههههههه
سبحان الله ابنها نائم على ظهرها طول الليل وهي جالسة ماتحركت عشان ماتصحيه من النوم.
نوم العافية ..
اللهم اسقنا من حوض نبيك محمد صلى الله عليه وسلم شربة هنيئة لانظمأ بعدها ..
لاحظنا على الأم حب الإيثار أحيانا تكون جائعة وإذا قدمنا لها أكل وجوها عيالها تروح تجلس بعيد عنهم وتخليهم ياكلون " سبحان من اودع الرحمة في قلب الحيون "
واحيانا إذا كانت بمكان وحطينا لها أكل
وعيالها مو فيه تصدر أصوات كأنها تناديهم ويجون يركضون " سبحان من جعل الحيوانات تفهم بعضها البعض "
وسبحان الله ياجماعة حتى الحيوانات تفطم عيالها .. بعد ماكبروا عيالها إذا جو يرضعون راحت وخلتهم أو إنها تهاوشهم " طبعا بلغتهم " وتلحقهم وتعضهم سبحان الله كأنها تربيهم .
تأملوا عينه .. فيها الظاهر رمد مايفتحها ولا يشوف فيها , أمه أشوفها دايم تنظفها بلسانها وسبحان الله تشافى وصار يشوف .
الله يرحمه سبق وان تلقيت التعازي فيه " تذكرون يوم اقول لكم صدمته سيارة في العيد؟ "
ياعيني تكيّة ولا احلى ههههههههه ..
/
/
هنا أحط رحالي وألتقي بكم بإذن الله في الجزء التالي من الموضوع ..
راجية من الله ان يكون ماقدمت نال على استحسانكم ورضاكم ..
دمتم في رعاية الله