أبعدي ثم أقربي ثم أبعدي = أقدحي من فكري براس الفتيل
أنقضيها وأفتليها واعقدي = أصنعي بالفعل كل المستحيل
أجمعي شمل الشتات وفرّدي = فرقي بين السمينه والهزيل
توجيها بالمعاني وأنقدي = في معانيها تراه أكبر دليل
حلقي فوق النجوم ورددي = قولي أني عنك مارضى بالبديل
خلي الدنيا تقوم وتقعدي = دام ماترضين بالشي القليل
غيري في كل سطر وجددي = ما يشيب القاف وحمولي تشيل
المشاعر كلها لك تشهدي = حطي الهاجس بداخلها نزيل
أعرفي قدرك معي لا تجحدي = لا تخلين التعب ماله حصيل
أنتهي واقول من وين أبتدي = الهدف واضح وانا عابر سبيل