1-يامل قلب كل ما لتم الأشفاق=من عام الأول به دواكيك وخفوق
2-كنه مع الدلال يجلب للأسواق=وعامين عند معزل الوسط منسوق
3-يجاهد جنود في سواهيج الأطراق=ويكشف له أسرار كتمها بصندوق
4-لا عن لك تذكار الأحباب وشتاق=بالك وطاف بخاطرك طاري الشوق
5-دنيت لي من غالي البن مالاق=بالكف ناقيها عن العذف منسوق
6-أحمس ثلاث يا نديمي على ساق=ريحه على جمر الغضا يفضح السوق
7-وياك والنيه وبالك والأحراق=وصحى تكون بحمسة البن مطفوق
8-اليا صفَرّ لونه ثم بشت بالأعراق=صفرا كما الياقوت يطرب لها الموق
9-وعطت بريح فاخر فاضح فاق=ريحه كما العنبر بالأنفاس منشوق
10-دقه بنجر يسمعه كل مشتاق=راع الهوى يطرب اليا دق بخفوق
11-لقم بدله مولعٍ كنها ســـــــــــــاق=مــــــــــنصوبة مربوبة تقل غرنوق
12-خله تفوح وراعي الكيف يشتاق=اليا طفح له جوهرٍ صح له ذوق
13-أصفر قموره كالزمرد بالأشعاق=وكبارها الطافح كما صافي الموق
14-زله على وضحاً بها خمسة أرناق=هيلٍ ومسمارٍ بالأسباب مسحوق
15-مع زعفران والشمطري اليا نساق=والعنبر الغالي على الطاق مطبوق
16-فليا أجتمع هذا! وهذا! بتيفاق=صبه كفيت العوق عن كل مخلوق
17-بفنجال صينٍ زاهي عند الأرماق=يغضي بكرسيه كما أغضاي غرنوق
18-اليا أنطلق من ثعبته تقل شبراق =رنقٍ تصور للحمامه على الطوق
19-شكل على الفنجال لونه اليا راق=دم الغزال اليا أنمزع منه معلوق
20-خمر اليا منه تسلسل بالأرياق=وعليه من ما صافي الورد مذلوق
21-راعيه كنه شاربٍ ريق ترياق=كاس الطرب وسرور من ذاق له ذوق
22-يحتاج من خمر السكارى اليا فاق=طفلٍ تمز شفاه والعنق مفهوق
23-عبثٍ يعيل بحبة ما بعد ماق=وهو يزاهي باهر البدر بشعوق
24-بين أشفتيه اليا غنج حق براق=عجلٍ رفيقه بالطها يعطي أطبوق
25-سطرٍ كتب من حبر عينه بالأوراق=خديه صادينن ونونين من فوق
26-كن العرق بخدودها جمر الأرناق =ينثر على الوجنات باللون معشوق
27-اليا أبتسم شع وأشرق بالآفاق=نوره يفوق البدر سحرٍ ومنطوق
28-بالعنق كن المسك والخد براق=شخص بصدره كما الشاخ مدقوق
29-يمشي برفقٍ خايفٍ مدمج الساق=يفصم حجولٍ ضامها الثقل من فوق
30-اليا حصل لك ساعة وأنت مشتاق=أقطف زهر مالاق والعمر مفهوق
31-فليا حضر ما قلت عندي فالأرزاق=بيد كريمٍ كافلٍ كل مخلوق
32-صلاة ربي عد ما بارقٍ حاق=على النبي الهاشمي خير مخلوق