خلاص هناكل الهمبورجر بيتى و مفيش اكل تانى فى المطعم!!
كُتب : [ 31 - 10 - 11
- 08:41 AM ]
السلام عليكم و رحمة الله
الهامبورجر هو الأكله المفضله عند الاولاد و كمان عند الكبار
بس للأسف لما بناكله فى المطعم او نشتريه جاهز مبنبقاش عارفين هو معمول من ايه
النهارده هقولكوا على اسرار الهمبورجر و مش هيبقى فيه اكل بره البيت تااااانى
يلا ابدأوا معايا
اولا المكونات :
كيلو إلا ربع لحمه مفرومه
بصله كبيره مفرومه ناعم
1 طماطم كبيره مبشوره
كوب و نص بقسماط
3 معالق دهن
1 بيضه كبيره
ملح و فلفل
نيجى بقى للطريقه:
هنخلط المكونات كلهاااا مع بعض فى الخلاط
و بعدين هناخد كميه على قد دايرة الهمبورجر و نحطها على كيس بلاستيك و نغطيها بالبلاستيك
و نفردها بالنشابه لحد السمك المطلوب - حوالى 1 سم
و نشكلها على شكل دايره
و نرص فى الصنيه
و على الفرن ... و بالهنا و الشفااااااا
م/ل |
|