ياراعي الجمس الاسود فلل انبيره=ثم ارفع الراس واركبني على بابه
نبا علاه انتخاوا بعد تحضيره=يم دار صيداً جزال الصيد في اترابه
جمسً مقدر كما اميراً بتقديره=يازين فنه وصنعه حي من جابه
راعيه مسير شراه وفك تحجيره=وتله بشيكن ولد مزيد من احسابه
لونه كما الليل من شبكه الى اسبيره=وشكله فخامه امام وخلف وابوابه
مكينته كايفه يعجب جماهيره=ومرايتينه تقول اكفوفة اذيابه
يعجبك صوت المكينه لنطوى سيره=واليا استدرته يفز وتقفل ابوابه
يفز عز ومعزه بعد تصخيره=ماكنه الا رئيسً ينفع اقرابه
جمسً جديد الوكاله حي تصديره=يغليه مسير وكنه من حدا اصحابه
اليا نصى الارطويه وابتدا سيره=ياحي مشيه وقشطه حي من جابه
عليه سبعن طويل اذراع ويثيره=من لابة امطير عز الي تعزوابه
دويشي الي وضح فالطيب تصويره=من راس قوماً لقام الحرب حرابه
شيخً فخر من نقاه وزاد تفخيره=من طيب راسه بوقت الصعب يلجابه
من زود علمه جمعها خيراً وخيره=رجوله ورتبه وشيخه على كتابه
ومن شيخته بارزن فعله وتسطيره=واليا مشى كل شيئً يحسب احسابه
لو ما سبقني بها شاعر جماهيره=امحمد اسرور راع السيف واجرابه
لقولها لدويش الي نشر خيره=الي لكل الخلايق فاتحن بابه
انكان من حب مسير حل تكفيره=انشهد اني كفرت وكفرو احبابه