( الشاعر// حمد بن سلطان بن حمد الدجيماء )
ياويل حالي لاسمع حس طاريه ؛؛ يزيد ضيقي والحزن والهمومي
ويزيد سقمي اللي بجمرك كويتيه؛؛ سقم حبك غير بين السقومي
كتبت شعري فيك باجمل معانيه ؛؛ وشعري بلياك ماله لزومي
من يعرف الخيل يسبق خطاويه ؛؛ والخيل من كبوته عيا يقومي
ابن الحصان اليوم همه يباريه ؛؛ من كثر حبه اتخيله بعز نومي
ليلي سهر وانتي بليلك سهرتيه ؛؛ تحت نور البدر وايضا النجومي
واليوم حبل الوصل تكفين مديه ؛؛ ودي اشوفك يالغلا كل يومي
الله من قصرن انا ساكنن فيه ؛؛ بين جدرانه منخنق ومكتومي
ودك بالخلا الخالي لاسال واديه ؛؛ من مزنتن هللت بين الغيومي
الله يكسر سيفن يمي حذفتيه ؛؛ مثل حذفك للرمح والسهومي
الذيب لو ان الفريسة تناديه ؛؛ سرا الليل عجلان لاكل اللحومي
والله لو دربك كله شوك لامشيه؛؛ واعد خطواته وانا حافي القدومي
ياحمد لو بيتك على ساس بانيه ؛؛ ان كان شفته من كثر همك امهدومي