السلام عليكم ورحمة الله وبركاته .












صبــــــــ مسائكم ــــــــاحكم معطر بذكر الله .


كيف حالكــــــــــم ؟ إن شاء الله تمام "


هالحلى قصته قصه ..






في الأسبوع الماضي جيت بصلح حلى الأهلي حق سعودية عزيزة نفس اللي هنا http://almizany.com/showthread.php?t=26402 ..

وبما أن الأهلي حظه دايم عاثر . تعثر الحصول على بسكويت ماري ماحصلته في البقالات
يقولون مخلص من عندنا ( الظاهر سعودية شاريته كله ماخلت لنا شي ) وكتب الله إني ما اصلحه .
وبعد كم يوم سمعت إن الأهلي فاز ( أول مرة بحياتي أسمع إنه فاز )
وكذلك فاز النصر ( ثاني مرة بحياتي اسمع إنه فاز )

والأهم من هذا كله هو الزعيم وما أدراك ماالزعيم ( هزيمته الموقرة أمام الإمارات ) أول مرة في التاريخ البشري أسمع إنه خسر , دايم وهو يفوز صراحة معجزة إنه يخسر " بتنجلد "
أمزح .. سويته للهلاليين عشان يعطيهم نشاط وحيوية ويفوزون مرة ثانية .




ولأجل هذا قررت إني أخترع ( انشتاين على غفلة ) حلى من بنات أفكاري بمناسبة فوزهم اهــــــــداء مني لكم .









أترككم مع إختراعي .


حـــــــــ الأهلي x الهلال x النصر ــــــــــلى




الطبقة الأولى ,,


2بسكويت شاهي
1 اصبع زبدة
2م ص قرفة بودرة
3م ص هيل بودر
حليب حسب الحاجة .




الطبقة الثانية ,,


كاس جوز الهند
8 مكعبات جبن كيري
علبة نستله نستخدم ثلاثة أرباع وربع نخليه نحتاجه فيما بعد.




الطبقة الثالثة ,,

2 مغلف كريم كراميل
3 جالكسي بالكراميل
2م ص كاكاو بودرة
علبة قشطة
ربع علبة النستله.




الطريقة ,,


نطحن البسكويت ونعجنه بالزبدة والهيل والقرفة و نضيف الحليب حتى
تصير العجينة لينة . ثم نرصه بالصينيه بعد ماندهنها بالزبدة .









نخلط مقادير الطبقة الثانية بالخلاط ونصبها عليه وندخلها الفرن نشغله من فوق بس حتى تجمد الخلطة .

بعد مانطلعها من الفرن نتركها تبرد شوي .










ونخلط مقادير الطبقة الثالثة بالخلاط ونصبها عليه وندخله الثلاجة أو الفريزر أسرع.









بعدين نطلعه من الثلاجة و نزينه بجوز الهند وفليك مبشور .












ويقطع ويقدم













سموا بالله وعطوني رايكم .. ,, (وينك ياريــــــــــم عجلي بالقهوة لاتفشلينا ) ..,,

اللي يجي متأخر ولا يحصل قطعة يذوقها ذنبه على جنبه ..




















وصحة وعافية على قلوبكم .. أتمنى يعجبكم