يسعد اوقاتكم بكل خير
.
.
الى متى نصبر على ضيم الايـام =والى متى والنفس دايـم حسيـره
اقفت بنا الدنيا على اضغاث الاحلام =زاروق تلعبـه ريــاحٍ مثـيـره
وش ننتظر صرنا مثل ذيك الايتام =اللي تحرى طعمـةٍ مـن قصيـره
أوصافنا زملٍ فتـك حيلهـا هيـام =لاشافـت الهـدار عينـه تديـره
دنيا علينا ياعـرب خيرهـا صـام =مـن يسرهـا تبدلـت بالعسيـره
سارت مراكبها على بحر الاوهـام =ورست على شاط المحطه الاخيره
الطير الاسود في سما جوها حـام =وطير السعد ماعاد جانـا بشيـره
ولت بنا الايـام عـامٍ بعـد عـام =عـامٍ يـروح ولاتبـدل بغـيـره
وحنا تقل محكـوم فينـا بالاعـدام =اللي عنه يخفون ساعـة مصيـره
كن القيود مطوقـه خلـف وامـام =وكن القدم بين السنايـف كسيـره
مستسلمين وجاير الوقـت غشـام =ولاغيرنا مـن جايـره نستجيـره
وأما وقفنا وقفـت الذيـب صـدام =اللي وقف قدم السيوف الشطيـره
ماعاد يصفـي جونـا دايـم كتـام =وتموت مابحزام وسطك ذخيـره!!
.
.
كل الود .. احمد العوفي
!!
.
.