يكفيني انك يوم مريت سلمت=ويكفيني إني صرت شي بحياتك
ويكفيني اسمع كلمتك لا تكلمت=ويكفيني أكثر لو جرحني إسكاتك
حلو الكلام اليا كسر حاجز الصمت=فيه التميز والحلا من صفاتك
خلك معي ياصاحبي لو تكرمت= ترى القطار اللي مع الدرب فاتك
حلفت ماخونك من القلب وأقسمت=لو تطلب عيوني بعد قلت جاتك
عطتني الدنيا دروس وتعلمت =صبر وقناعه وأنت تعرف غلاتك
ما فاتني حاجه عليها تندمت=لو رجعتني للورا ذكرياتك
ترجع ورا ولا بخطوه تقدمت=أكبر مصيبه جاتني من سواتك
حتى لو أنك بالمشاعر تحكمت = عليك تهمه لين تثبت برائتك
يمكن تغير موقفك لا تفهمت =وأقول من طيبك ومن طيب ذاتك