شاب الحكا وعنان صمتي لزمته=ما ني بتفهيم أنقر الرأس ملزوم
والحق من نفسي لنفسي قسمته=لي قسم ولراع الخطاء تسعة قسوم
مشتاق يا ليلٍ هكا العام نمته=أنت الشريدة في حياتي من النوم
حسبت حلمي لا بغيته علمته=وأثره زعيم حلوم .. وعلومه علوم
ضربت بالبتار حتى ثلمته=عساه من يمناي للقوم والسوم
اللوم شيمني معزة وشمته=وابعدت منزالي عن الشوم واللوم
كم من فضا فج ٍ على الوجه همته=لا صحب جسّرني ولا هبت من قوم
وكم مسلكٍ مخطور طحته وقمته=لا قامت قيامة .. ولا طاحت نجوم
أدوّر الضلع الطويل وغشمته=مزموم رأس .. ونشوتي رأس مزموم
يا ما الطويل من الجبال احترمته=حتى وكر في هامته خنـّـس البوم
عفته عياف .. وطامن الحزم رمته=نزلت فأدنى الأرض .. لو تغلب الروم