صحيح ما يظهر مفايهم الحروف الا النقوط = ولا يخفي المدسوس فالماعون ياكود الغطا
وان كان بيت العنكبوته هش تمسكها الخيوط = وان راح ماهو هم يا جعله مراويح القطا
الناس ملت من مشاكلها ومن كثر الضغوط = ماعاد فيه احد[ن] يميز في الصحيح وفالخطا
حتى الاوادم صار فيها الزين والشين مخلوط = ناس[ن] على النيه تمشيها وبه ناس اعبطا
ترى الصداقه عند بعض الناس صار إلها شروط = صداقة ً ماهي صداقة ولف بس اخذ وعطا
التجربه مضمار للفريس وإلا الدرس شوط = حكمه قديمه واظهرتها الذاكره عقب البطا
أخوكم / سعود بن مجاهد بن مصاول