لي لابه تحسب وتكتب من مطير= قبيلتن ياحيها من قبيله
تسلسلو من روس عون المشاهير= وعباد جد جدودها تنتميله
في راي ابن مدلج تسوق المظاهير= واخوانه الي كاسبين الجميله
شيخ على فخذ الموازين وامير= يوم انها مابين نار وفتيله
يوم انها قسمه وحظ ومقادير= يبين في الميقاف فعل الدويله
خويهم جابوه يوم انه اسير= يوم الشريف عيا لايخلي سبيله
ولاانساءفعول اهل السيوف البواتير= حميد وحمد من حماه الرعيله
ومغلي وغالي يوم نشر النواشير= كم فرقو بين الخليل وخليله
وشامان ابن مذيخ ليا رفرف الطير= على عشاء اهل السيوف الصقيله
وصدعان ورفادان مثل السواطير= وصقير راعي الطيبه والجزيله
والمنجره عامر ومعه المناجير= سجيرته من ساس اهله نجيله
وشداد وعبيد الدقش والمسافير= وابن سعيدالي يجمل جميله
وابن بديدعبيد مافيه تفسير= لياحضر يشفي الكبود العليله
والاد قاحم من خيار المخايير= افعالهم وامجادهم مستحيله
فعل الذويبي من يبا فيه تبرير= من يجهل فعول النشاماء الثقيله
وعقب له شبل يهول الاساطير= سليلة ياحيها من سليله
في راي شداد الذويبي مطايير= ابوه قدامه يفك الدبيله
وخاتم زبون مسودسات الحوافير= وخلف ولد صلال راعي الكحيله
وعامر وحامد يوم كسر الكواسير= وصامل ليا شب الوغاء يرتكيله
ولافي قطع يمناه دون المصاغير= من يقطع اليمنى نهار العضيله
وناجي الغفيلي يوم زبر الزوابير= على المعادي من رماه الرميله
وعتيق وسميليل شر الشوارير= ونومان مع ربعه تبين حصيله
ومحمد شحيبان يوم الطفارير= الي من الفريس نجاء دخيله
وماطر ليا جات الليال المعاسير= ولفاء ولافي للرفاقه ضريله
ولا اني بناسي فعل ربعي ذو جبير= الى تقابل كل خصم وقبيله
يوم العشايا والمنايا محاضير= تارد على حياظ المنايا صميله
في راي اخو عسره زبون المخاسير= لاصاح صياح الرمك ينعنيله
طلق لي هبت وجاء للوغاء زير= راع الشداد الي فرق زميله
وجاب العيال الطيبين المناعير= فاطم اخو شرعاء وماطر مثيله
الى اعتداء رد البكار المعاشير= يشهد له التاريخ في كل ليله
فكاك تلعات البني الغنادير= يردها لاعالت المستعيله
تشهد له الشقران وفجيج والنير= ويشهد له الهضب الحمر والطويله
وتشهد له الحكام عند النواظير= يوم ان فريس القبايل مخيله
يوم ان اخو نوره جمعهم على خير= فالابطح اللي تايعن عن مسيله
وناجي وعبده يحتمون المواخير= يوم الزمان الي يهول هويله
وعواض ابن ناجي زبون الخطاطير= بيت من بيوت الديارا دليله
وعايض لي هيب على شارب البير= يارد ويورد من يهاب ويجيله
وعبيد ابن ناجي دهات الجبابير= وعبدالله هو حراس مال المليله
وشباب راعي الدلتين المباهير= لابركو خطار بيت الحليله
وعايض ابن هرسان يوم النهابير= وعامر ليا بان العميل لعميله
وصالح وزايد من شبور الشوابير= وفتنان يحسب من شبول الشبيله
وتركي ابو خطامه وربعه مذاخير= ليا صار في الايام عدله وميله
وعوض ومشحن والرجال السناعير= وغازي ليا هبت هبوب المخيله
الى بدو بمسلبات الشناظير= تشهد على فعل النشاماء السليله
ومذكرابن شحبه وابو شيبه وغير= وزعاب ومحمد رجال ذهيله
وخلف وجدعان الهويمل مناعير= حمايت التالي الى هاب الذليله
وحمدان ونويبان تحد السوابير= ابن ثعيه كم اخذ من صقيله
واوسيمر الهنشل وعسير عسير= والي بقاء من طيبن الشليله
وعلي يسوق مروبعات المصارير= الي من القوداء تفيح صميله
ومرزوق وجعيلان قوم وظوافير= وساير من امجاد الرغامه ابنيله
سطرت لامجاد الموازين تسطير= والمعذره لا صار خله وعيله
سميته باسم الرجال البواتير= الاولين اهل الفعول المهيله
الله يرحمهم ولي التدابير= الي بهم فخر الموازين طيله
والخير في الي عقبوه المفاخير= عقيلة من خير اهلها عقيله
والمعذره ان كان في القول تقصير= خصيتها وانا اعتبرها قليله