هذة قصيدة جديدة في المقناص كتبتها في أول هذا العام 1431هـ وهذا أول نشر لها-ولها قصه
مر علي اخوي وصديقي العزيز خليف ابن عوض ابن عواض الرويس الميزاني وهو رفيق الروح
حيث تربطني به علاقة وصداقة من ذو الصغر فقال لي خلنا بنروح نتمشي وكان اوقات امطار فذهبنا ومرينا علي مستنقع العوشزية شرق من عنيزة فوجدناة عبارة مجمع مياة في أرض صبخا والناس مجتمعة علية فلم أعجب به فقلت لخليف مشينا نقنص فكان عندي جيب fxr مخصص ومجهز للمقناص فذهبنا فقلت له أخذ الجيب وشيك علية وحمل العزّبة . فقلت
ياخليف صف الجيب ياخليف صفه = ثم حمل العزبة وعجل علية
نبا الغداء ياخليف بطراف طخفة = الهضبة اللي في طوارف ضرية
ونبا العشاء ياخليف ورى المطفه = على الغدير الي ورى الصالحية
في حرت(ن) عنها القوانص مكفه = حرت بني عباد فالجاهلية
الديرة اللي يابن عمي معفه = مادوجو فيها رعات المطية
تلقى النفل هو والخزاما أمصفه = من وسمها ماراودتها الرعية
وتلقى الحباري في حجاها مضفه = على ثلاث أربع وزود(ن) شوية
وزود(ن) على اشّنير واللي بصفه = من الطيور اللي طعمها عذية
وهذا منى صالح وكيفه وشفه = أخير من مكشات فالعوشزية