خلوني اروح يم المنتدى احسلي=اخير من مجلسن يجلب لي الضرّا
ابتصفح وشوف اخبار ربعلي=ابن مصاول وباق الربع والبرّا
حيثنهم من رجالن تبرد الغلي=يوم المعارك نهار الموت والشرّا
تارد على الموت يوم الموت مزبلي=واهل الردى بالمواقف دايمن برّا
في منتدانا نشوف الناس من كلي=مافيهم اللي يجيب الضيم والزرّا
شعر وقصص مع علومن كلها جلي=والا الرديه علي امان ماتمرّا
انا على حب ربعي دايمن ملي=ماصد عن ربعي الادنين وفرّا
ربعي حزامي ودرعي حزت الذلي=لا صكت حشودها والناس مقطرّا
من فوق ظهر الحصان وحدة السلي=وخصامن من سنعنا كنها الذرّا
ولاقول بالناس عيب وهرجت الزلي=الناس فيها الوفاء بالكل ونقرّا
لكن ربعي جبال طويق متعلي= الله خلقهم كذا والعين محمرّا