عرض مشاركة واحدة
غير متواجد حالياً
 رقم المشاركة : ( 1 )

.
رقم العضوية : 8139
تاريخ التسجيل : 07 04 2010
الدولة : ذكر
العمر :
الجنس :
مكان الإقامة :
عدد المشاركات : 208 [+]
آخر تواجد : 19 - 02 - 11 [+]
عدد النقاط : 10
قوة الترشيح : سعود بن مجاهد بن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي مجاراة شعراء لقصيدتي ... راكب اللي ماتزيد عن الثلاث حروفه

كُتب : [ 12 - 08 - 10 - 11:09 PM ]

بسم الله الرحمن الرحيم

اليكم مجاراة شعراء لقصيدتي ..راكب اللي

قصيدتي


راكـب اللي مـاتــزيـد عــن الثــلاث حروفه=جـــيـب لـونــه لـؤلـؤي مـن الموديل التالي
لاوقــف فـي وسط مجموعه وهي مصفوفه=فــارق(ن) عـنهن بـشكل الوجه والتمثالي
كنه اللي واقف (ن) بالبــشـت قدم ضـيوفه=واحــد مــن روس قــوم ولـــه مـكان عالي
وان نطحك ليـا الرفـارف كــنها مـعـطـوفه=كــل مــازدت النــظــر فــي مـقدمه تهتالي
تقل ذيـب (ن) ناوي الـغارة ويرخي كتوفه=شايف (ن) في الليل نزل ولا لقى مداخلي
وان مشى والخــــط قدمه مستحيل أطوفــه=يــطــوي الــبـيــداء طوي ويقرب الأميـالي
منـــوة اللــي في زمــانه حـاديتـه اظـروفه=محــرقـه شـوق الــغــرام وذاكــر له غــالي
حالـف(ن) مايـطـفي ســويـكه قـبل لأشوفه=اذكــره يــوم أتــســمع عــيـضة الـمــنهـالي
بس يوصلني هواي وشايف(ن) معـروفه=كـل مااســوقه وانا زعــلان يــشــرح بالي
الهمــوم الــلــي بــقـلـبـي كــلـها مـحـذوفه=لاذكـــرت انــه هــوى بـالي وراس المالي


مجاراة الشاعر .. علي بن ساير بن مدلج الميزاني


اوحيت طرقٍ على المسحوب زايد نوفه = من رفيقٍ ماحسب للقيل واهل القالي
المعاني لا نضمها ماتجي مكتوفه = كنها خيل الدويش كروش والخيالي
يدرك عنان المعاني لوتزيد اصفوفه=ماحسب هرج البعيد ولا حسب للتالي
له وراثة جد مبطي ماهي بمالوفه=من نشدني عنه قلت ذاك سعود خالي خالي
يشتكي هم الغرام اللي موهج جوفه=مادرى اني كد شكيت الهم والغربالي
قلت اباجاريه مدام السيوف سيوفه=جاز لي طرقه واباغنّي على الموالي
راكب اللي تو ماشد الخبير بلوفه= شيّكه عبداللطيف وجابه الجفالي
لو تسوق المال كله ماعليه حسوفه=مانزل سوق الحراج وحافه الدلالي
اشعلٍ كنه البراق قدم اقنوفه=لانشى مزن الخريف وهوبل الوبّالي
الشبح مركب شيوخٍ روسهم مشعوفه=بالمراجل يدفعون المال دون الحالي
كن وجهه لانطحته جادلٍ غطروفه=طاغيه من زينها ماهمها الرجالي
افجحٍ كنه نداويٍ يشوف اخشوفه=من صطاوة صلب راسه صابهن اجفالي
المكيف مركزي ومرايته ملفوفه=بالرموز المبهمه يضحك على المحتالي
والغماره من دواخلها تقل مسقوفه=انسيابيه جوانبها تقول احبالي
لاوقف تشبه جماهيره مزاين نوفه=ون مشى كنه قطاةٍ وارده مدهالي
ودي امرك عليه بسفرةٍ مخلوفه=كيفنا قدامنا والطيب والفنجالي
الدروب مسهله وديارنا معروفه=ربنا نلقى لنا للمشكله حلالي


مجاراة الشاعر .. رجا مرشد الكرشمي العتيبي

راكب اللي تندتة سوداء تقل مكشوفه=تندتة سوداء وهو أبيض وسعره صالي
بانوراما يعجبك في مشيتة ووقوفه=لانضرته قلت ياوجدي وياغربالي
عقب ماجتني بيوت المدلجي وحسوفه=هب ياوقت مايصفاله ولايصفالي
وعقب جاراه أبن سايرواستمعت ادفوفه=من مجاراته حذفت عمامتي وعقالي
يشتكون من الغرام وسيرتة وجروفه=والغرام أكبرمرض في هالزمان الحالي
لوف قلبي لوف لو أن الغرام يلوفه=فوق من حبه ماهو بمكالمة جوالي
وزينهاماهوب فاالبصرةولا فاالكوفه=لانضرته قمت أجر الصوت وعزالي


مجاراة الشاعر .. زايد النومسي العنزي

راكب اللي لامشا كن الهبوب أتلوفه=يقطع الفرجه ليا منك شعمت العالي
كن نوره ضوح برقٍ زايدٍ برفوفه=مامشا وسط الدبش ماساقه الجمالي
رنج روفر والرفارف كنها محذوفه=والعلامه فوق كبوته تقل فنجالي
ولشتغل صوته تقول يسمعك معزوفه=ولادعست اسليتره أيسمعك موالي
صانعه حشيش ابو زقارةٍ ملفوفه=ماعرف شهر رمضان ولاعرف شوالي
نحّره ديرة غزالٍ نابيات أردوفه=واحدٍ خاثر وريقه بالشفايا حالي
لي ثلاث اسنين ماشفته وكيف أشوفه=ولااتصال ولاخبر منّه ولا مرسالي
أشهد أن الوقت هذا بينات اصدوفه=لاعني وأثر علي وزاد بي غربالي
وجعل همال السحاب الي تصب أكنوفه=يسقي ادياره ويرخي فوقه الهمالي
ويل حالي كل مذكر نقشةٍ بكفوفه=ضاق صدري والعباير كنها شلالي
ولو رجعلي والله اني شايفٍ معروفه=وكان ماعود وش اللي بالزمن يبقالي

ولكم تحياتي ....

رد مع اقتباس