هاجسي يا هـاجسي خلك صبور.=السطــور دروب والحبر السفير.
يازمن ون كان لك رحلة عبور.=نية الخفــــاق.! رخصه للمسير.
القضيه تفجع الرجـــــــل الغيور.=والرســـاله شعر وحروفي عبير.
مهنة التعليم تُقبـــــــر فالصدور.=مَيّتَه والخــــافي اعظم لو يصير.
منبع الإحســاس مغويه الشعور.=وان سلا الخاطر تذكرت المرير.
راحت الحشمه على نوره ونور.=وبايع الاعراض منبوذ المصير.
اللقب بويــــه ومنهجها السفور.=شي محـزن.! في مدارسنا نذير.
ظاهره حامت كما جول الطيور.=الوضع باالعقل يالهاجس خطير.
نمّصَت ثم قمّصَت صارت جهور.=مارضت في خِلقة الـوالي القدير.
حلّقَت واسترّجَلت بين الحضور.=والفحول فحـول ومنيـــره منير.
كَنّ شين التربيــه حَب ٍ فـ/بُــور.=يحـــــرقه ملح ٍ تلحّف بالهجير.
لــــو بحثنا عن بلانا في سطور.=السبب هرمون وافـــــلام ٍ تثير.
التهاون ذيب في سور ٍ و دُور.=الشرف غالي على قلب وضمير.
الأبـــو والأم في غفلة قصور.=والرعيه مــــاشيه درب السعير.
المدارس من نشـــاط ليــا فتور.=لا عقاب ولا حساب ولا نظير.
المديــــره من تديره في حدور.=والعــــلامه واضحه كبر البعير.
هيه يالمسترجله نصحي يزور.=العتام اللي سكن عين الضرير.
انتي الأنثى تبــاشير الســـرور.=والمقـــام اللي بعيني لك كبير.
الخــــطآ وارد ولك رب ٍ غفور.=والحكيم اللي ملك قلب ٍ بصير.
اذكري موتك قبـل فعل الفجور.=واذكري رب ٍ حسابه لك عسير.
لا نفخ بالصــور ثم نبتت بذور.=من يجيـــرك لابغيتي لك مجير.