الحمدلله رب العالمين
والصلاه والسلام على الرحمه المهداه للعالمين واله وصحبه الكرام
من باب مقولة ( من لايشكر الناس لايشكر الله )
وجب الثناء على شخصن بذل وقته وجهده وماله لفعل الخير
سواء على ابناء قبيلته او القبائل الاخرى
بما فيها بعد مشيئة الله عتق رقبة مسلم
الاهداء الى الشيخ / حسن بن عمار الجبيل العضيله المطيري
والمدح يزها كسابته من جميع ابناء وشيوخ قبائلنا العريقه
هات القدوع مع الدلال المباهير=جا للجزاله جوف صدري مسيره
لاني مطيري وافتخر وامدح مطير=قومن لهم في صفحة المجد سيره
رووس الرجال الغانمين المشاهير=اهل الفخر والمعجزات الشهيره
واخص شيخن فاق طيبه عن الغير=له في سنام الطيب دارن وديره
حاز المراجل كلها دون تقصير=طيب وشهامه فوق علم وبصيره
حسن ولد عمار نسل المناعير=شيخ المواقف والفعول الكبيره
شيخن ليامنه وقف عن طوابير=له فزعتن ياصعبها عند غيره
معتق رقاب من السيوف الشواطير=يومن كلن صار موته مصيره
ويسرف بجوده ماحسب للمخاسير=ومن طيب راسه واصل الخلق خيره
وله دور واضح يكسب الصيت ويسير=وقت المزاين بالعيون السهيره
مهما مدحتك ماوفتك التعابير=يابوفهد مدحك وضعني بحيره
لاكن لك عندي معزه وتقدير=يعلم بها الخالق عليم السريره