هذه القصيده مداعبه للاخوين والشاعرين الكبار وهم الشاعر ملفي الميزاني
والمقصود من ذكر ملفي لآنه شاعر غزل وقلبه اخضر فلذالك ذكرته وهو عزيز وغالي اما الشاعر الثاني الاخ جابر كايد وهو من اعز الناس الذين اكن لهم الحب والتقدير وحبيت اذكره فالقصيده وهم شعار غنيين عن التعريف ومن باب المداعبه
ولهم مني الاحترام
الله على اللي مديله دوب عجوبه=سجل على الكرت عشره فوق الالفيني
لكسز وفي فلسفة تصميمه اعجوبه=مركب للأسره وشيخان الموازيني
يشريه من لايخزن المال بجيوبه=ولاهو خساره لونه ينشري ديني
اليا مشا كن مشيه مشي رعبوبه=مزيونتن تقطع اقلوب المحبيني
لوشافها ملفي ياجابرنطل ثوبوبه= ويقول وش هالمصيبه يابو حسيني
حتا ولوا قلبه اخضر يعلن التوبه= ويغمض العين عن كل المزاييني
هاذي هي اوصاف جيبن زان مركوبه=لهل الفخامه مزكين الملاييني
ولا انا محفضة مخباي منكوبه=عيا رصيدي يجي فالبنك عشريني
ولارحت ابشريه دز البنك مندوبه=يقول من راتبه مخصوم ثلثيني
قلت الله انه يلد البنك ودروبه=اللي على الدين عشر اسنين حاديني
خدمت عشرين عام وراتبي دوبه=نبا التجاره وحملنا من الديني
واللكسز اللي بغيت اشريه عيوبه=صالة تايوتا على اللكسز معييني