المشاركة الأصلية كتبت بواسطة عنود الصيد اخوي عبدالعزيزالشاطري س1:اول قصيده غزلية كتبتها ؟وهل تقصد بها شخص معين ؟؟ س2:احب القصايد اليك ؟؟ ماهي الغزلية منها ام المدح ام .......؟؟ س3: ابيات ظهرت من موقف ؟؟؟ وتقبل مروري اختك (عنود الصيد )

انهضي يا قوافي فوق ذاك الغمام=وارتوي من عذوبه قبل ما ترعدي
واحملي في كفوفك منه برد وسلام=وانهضي من بعدها فوق نجم الجدي
واسمري يا قوافي فالبدا والختام=وغردي يا ليالي باللحن غردي
وارسمي مهرتي بْخد بدر التمام=خلي من تاه دربه لا نظر يهتدي
مهرتي في علاها مثل قدر المقام=مهرتي من غلاها بالبشر نفتدي
مهرتي من يراها يفتقد للمنام=وان غفت به عيونه ماهتنى المرقدي
مشيها في ثبات(ن) لو وسط الزحام=وان عدت من يراها ما يقول تعدي
الفرس من أدبها ما تعرف اللجام=عزوتي بالشدايد والرخا ومسندي
لونها مشترك ما بين نور وظلام=من يشوف الجدايل عالبدر مرتدي؟!
صمتها بان فيه البوح عذب الكلام=كيف لا والمسامع لا حكت تسعدي
من يرى العين فيها شاف سحرالغرام=ومن تصيبه سهام الرمش جا مقيدي
والشفق في ظهوره لا خلا من العتام=ضحكة المبسم اللي لا خجل تبتدي
والبرد من مزونه شع خلف اللثام=غيمة(ن) في سماها واستهل بردي
والشهد من يذوقه ينهبل ما يلام=مورده في بردها يا حلو موردي
ذقت فيه الهبال وذقت فيه الهيام=ومن نواها يعوّد .. قبل مارفع يدي
صارت الرسمه اللي بالبدر له وسام=فخر للبدر دامه في سماها جدي
واطلب الله يحَفْظه في صلاة القيام=يحفظه من شرور الحاسد المعتدي
ما على القاف شك ولا عليه الملام=يا قوافي مهمه وانتهت عودي
مهرتي لغز خافي ما لها من العمام=ولا لها خال يذكر .. مَنْ فهم مقصدي ؟

ترفّعي يا كلمتي لا تكلّمت=والا استريحي حضرتك في فمي
بعض الحكي يكفيه عن ردي الصّمت=لو انّ بعض الصمت به علقمي
في وقت قلّ الصدق فيه وتعلّمت=انّ الصداقة عرق فالادمي
اليا تغذّا بالمراجل تقدّمت=والا يجيه من الردى له سمي
لا جات كلمة ناقصٍ له تبسّمت=ما هو كفو للردّ والمغنمي
اوجعت غيري يوم عقلي له الهمت=والجرح كانه حيّ به يندمي
وْحشمت نفسي في مجاله وحشّمت=عن هفوة المنطق لحى تكرمي
اللي ليا خاويتهم ماتندّمت=ناسٍ على ورْد المراجل ظمي
تقوم للعليا وتفرح ليا قمت=وْتجزع ليا ناش الخلل محزمي
في كل مرقابٍ بهم لا تحزّمت=على المعالي قام حظّ اسهمي
وْمادام خاويت الذيابة تعشّمت=صيد السّمين وصنت بعض الرّمي
ترفّعي يا كلمتي لا تكلّمت=والا استريحي حضرتك في فمي