مر الحبيب اللي له الكبد ضميان=اللي فراقه في حياتي خساره
شيهانتن تفرق على كل شيهان=حتى سلب عقلي وضيع مساره
ابو جبينن كنها غر الامزان=والعين عين اللي خذا كل غاره
حراً شهر ريشه على كل مابان=مدري عقيدن مجلسه بالاماره
اشعل غلاه بوسط الاضلاع نيران=وشيد بروج الحب تاره وتاره
يازين انا في حب شرواك ولهان= واليوم تجفا القلب وتشب ناره
شبيت نارك يالغضي دون برهان=داخل وريدي ثم تعلن فراره
ماتدري ان الحب راعيه هيمان =غريب دار وحل في غير داره
يازين انا مما حصل خاطري شان=والقلب من دونك تقادح شراره
وانا على الخفرات ماني بشفقان= ولاني هواوي مير حبيت ....؟