قال المطيري والمطيري متعب=متعب ولد عايض رفيع القامه

ماني وانا الزنغوب شبري قاصر=بالماقف الغصاب عالي هامه

من دون ربعي ماقفي يجبرني=نفسي ورى ربعي قبل قدامه

كني عقيدن قدم ربعه قادم=غازي على قحطان والا يامه

موالله اذخر لو على اخر عمري=في موقفي موجود شرق وشامه

لاصرت شاعر والقصايد عندي =وش يعذر الشاعر من اللوامه

ليه الجويهل رافعلي راسه=مطلق السانه محتزم بحزامه

مايدري ان مطير ضلعن راسي=مثل الحيود الراسيه ورجامه

وين انت رايح يالجويهل قلي =بلاه وش جدك ويش اعمامه

بضاعة بالسوق برخص قيمه=خسران شاريها بقل اجرامه

مطير منته قدهم يالباير=لوترفع بصوتك بكل اجسامه

مطير ربعي يبعدون المادي=يتعب وراهم كل ولد اهلامه

مطير ربعي معتلي منزلها=الضيف دايم يعرفون اكرامه

على دلالن صنعها بغدادي=والحيل تقلط لا قلط ويدامه

الجار منهم جيرته يذكرها=ينزل ويرحل والسعد قدامه

ودخيلهم له مدتن محسوبه=عام وبعد شهرين محدن ظامه

وقت الشدايد يسرجون المهره=كم من عدون يفركوون اعرامه

تسعين ليله ينحسب مغزاهم=على العداء وقت الوغى لطامه

هذا هوالوسمي سلايل ربعي=منته بقده تحت ماطى اجزامه

منته بقده ياردي المذهب=مثلك يبور ولايطول ازحامه

قلته وانا من دون ربعي واقف=لو هبت الحايه وزاد اكتامه