بسم الله الرحمن الرحيم
السلام عليكم ورحمة الله وبركاته
أسعد الله أوقـآتكم بـ كل خــير ،،
في ظل أنقطاع الأمطار أغاثنا الله وإياكم ،
ها هي صحراء صدري المجدبه تعانق غيمة العشاق ،،
ولكنّها تزداد جفافاً وتتساقط من أشجارها الأوراق ،،
إلــيكم /
//
غيــمة العشــآق ،،
سقاك الله ، ياسيد الصبايا يا ملاك الطول = سقاك الله ، من جرحٍ سطا في قلب مقتولك
إذا مريتني مرخي خطاك وتنقض المجدول = وهلت غيمة العشاق بعد إنهل مجدولك
سقتني من عذاب العشق وأنشف ريقي المبلول = ضميتك وإرتويتك جرح ، لو مضماي معسولك
أبي كلمه من شفاك الجميله تبري المعلول = أبي ضحكه تكفيني ولو ما أفصحت عن قولك
تعيشني و تحييني على رجوى تجي وتقول = من الغيره ، إذا فزت بغلا غيرك ، وقالولك .
ذبحني حبك القاتل ، جرى خارج عن المعقول = ياليتك تلتفت ، شوف القصايد كيف من حولك
أنا ماشفت مثلي واحدٍ يبدع وهو مقتول = قتيل وينزف إبداعه بعد ما دقت طبولك
قتل قلبه هواك اللي بقلبه من سنين يجول = هذا حاله ومنواله من أول ما لمح زولك
يسوق من الرسايل ويتباشر لأرسل المرسول = على كثر الرسايل ماوصل ردك ومرسولك
جداه إنه يردد كل ماتطري عليه (أحول) = على اللي صار فيه وجاه من قسوتك وفعولك
رعاك الله ، ياسيد الصبايا يا ملاك الطول = على طولي ومقدوري ، عجزت أوصلك وأطولك
شعر : عبدالمجيد الظويفري .