المشاركة الأصلية كتبت بواسطة صالح بن عمار العملاق هنا أرحب ثم أرحب والله قبل كل شيء قوافل الشكر والورد للقائد الأدب أبا ضيف الله لإتاحته هذه الفرصه في هذه المساحه والتي بكل تأكد أن ماينثر بها خلاصه أدبيه لذيذهـ.. ولايفوتني أن أشكر طاقم الأداره كاملاً بدون إستثناء على ماقدموه للرقي بهذا الصرح العملاق.. الضيف : أبا عزام مبروووووك إفتتاح الديوان في منتدى النخبه صدقني لو قيل لي تحدث عن الشاعر / عبدالعزيز الشاطري صدقني وبكل صراحه سيخجل قلمي عن الكتابه ليس بخلاً ولكن حياءً أن لايعطيك حقك وخوفاً من التقصير فيه وأنت أكبر من أي حرف يتوشح المدح. أسئلتي ياصاحبي ستكون خفيفه بإذن الله.. س1 : موقف أسعد وأثلج صدر أبا عزّام؟ وهل كتبت عنه؟ إن كانت الإجابه نعم هل لنا أن نتذوق ولو الشيء اليسير...! س2 : ألقاب أطلقت على عبدالعزيز الشاطري س3 : شاعر المليون؟ وبحكم مشاركتك في ذاك البرنامج.. هل يوجد إنصاف للشعر أم أن هناك أيدي خفيه تقوم باللازم وتفعل ماتريد وهي لابسة قناع الشعر.. س4: ماذا يعني لــ عبدالعزيز... - الحب - الليل - البحر -الرفاقه - الأقارب بالنهايه كلي شرف بالمرور على هذه المساحه الناصعة البياض كـ قلبك إحترامي

الوقت يا عزام بانت غوايبه=نوّخ بلا اسْتئذان مني ركايبه
كشّر عليّه بالمناشير كمّلت=طوقٍ على عمري ولاني بهايبه
عزّيت نفسي فيك وارثيك وانتظر=يوم الفرح بك لا تحقّق مناي به
بعد النجوم السبع والدار نوّرت=المنجية باذْن الولي من لهايبه
يابوك ما شفتك وانابوك مرتجي=من ربي المعبود معطي وهايبه
للي توجّه بالدعا له ويطلبه=ماردّ نفسٍ تدعُ باخلاص خايبه
عيني تمنّى بعد هالعمر شوفتك=واذني تبى اسمك تسمعه في نداي به
عزام سخرت الهلالي وانا اقدره=ماهمّني لكنّ بك حل غايبه
عسفت من خيل القصايد أصايله=واسرج حصان الفكر وانصى غرايبه
وارفع مقام الشعر وارقى نوايفه=ماورّده ميراد بانت شوايبه
ولاسْمع هزيله وانكر اللي تقوّله=وامشي مع اللي للجزالة طلايبه
لا قلت شعري كل الاوادم انصتت=يسحر مسامعها على فنّ جايبه
لا صوت جنّنها ولا لحن من غنّى=شعرن معانيه الفرايد سحايبه
اليا تراكم بالسما ... ليل تدحمه=مدّت له الصحرا كفوفٍ عطايبه
تستفزع ولبّى لها البرق يلحقه=رعّاد سوطه فالثقيله ضرايبه
طاحت تباكى والصحاري تصدّعت=تنثر مع العشب الورود فهبايبه
ثم اضحكت والروض تشدو نسايمه=قامت تلاعبها وسالت لعايبه
وغنّت لها طْيور الفرح يوم عيّدت=وقامت تراقص كل أذنٍ سبايبه
جبته مثل ، واللي جهل ما دريت به=صغته وانا يا بوك للشعر نايبه
والشعر حكمة والحكيم يتدبّره=ما يقبل الا كلمةٍ جات صايبه
واللي فقدها يفقد الطيب معظمه=ماتردعه نفسه ليا شاف عايبه
يابوك وان ماجيت راضي ومحتسب=أمر انكتب فاللوح والنفس طايبه
صابر ومؤمن بالقدر واعمل السبب=يوم الدعا رد القدر في كتايبه
يالله ترزقني بعزام واصلحه=وانفع به امه ثمّ انا ثمْ قرايبه
واحلى ختام الشعر صلوا على النبي=اعداد ما قبّل ولد راس شايبه

لك الحمد ياربي عدد خلق الاجنّه=وعدد مامشى طفل وعدد ماصحا أونام
وعدد برد وامطارالشتا وشدة الكنّه=وعدد مانبت نبت وعدد طير به حوام
بعد ما لحق عمري سنوات يطونّه=ثلاثة عقود وفوقها لي ثمان اعوام
وبعد ما لفى شيب العوارض وعافنّه=على النور في وجهي تزيد العمر باوهام
وبعد ماسكن داري جواهرلهن حنّه=وعيوني تناظر تنتظر من لهن قدام
لك الحمد ياربي لك الشكر والمنّه=على مارزقتني بعد هالعمر عزام
فرحت وحظنته والدموع يتغشنّه=وغشاني فرح مامر مثله طوال العام
تغني طيوره والسعد لي يزفنّه=وكني حكمت اغلى ديار الذهب والخام
هلا بك عدد ماسْمك ليا جنّ يطرنّه=خواتك وأمك فالحقيقه وفالأحلام
وعدد ماتخيلتك ولاحْدن درى عنّه=وعدد ما ينادوني مدى العمر ابو عزام
والا ياوليدي قدمك النار والجنّه=وانا اوصيك لا ميّزت تبعد عن الآثام
إلهي طلبتك تحْفظه لي على السنّه=وتهديه فعل الخير والبر فالاسلام
وتبعد شرار الخلق من ناسه وجنّه=ولايصحب الامن على المرجله سوام
وتبعد غرابيل الزمن لا يحدنّه=وتجعله فبْحور السعد دايما عوام
وخله ليا جرّيت انا فالزمن ونّه=سنيد وعضيد وفالمهمات ليّ حْزام
حروف القصيدة واللحن لي يجرنّه=تهل الدموع وقالت العذر من عزام
انا اعْذرك يا حرفي وعزام انا اظنّه=بعد هالقوافي يعْذرك لا عرفك وقام
وعلى الهادي المختار صلوا على السنّه=عدد ما فرح والد بمولود بعد اعوام