عبدالله بن ماجد الدويش..تاريخ يمشي على قدمين
الرجال العظماء..
أشخاص لم تصنعهم الصدفة ولم تشّكل ظروف الحياة العادية شخصياتهم العظيمة..
هم أُناس صنعوا المجد،بعرق جباههم ..وبما اعطاهم الله من قدرة "فكرية" وعقلية..
مارسوا من خلالها "أدوات نجاحهم"، فصنعوا الممكن من المستحيل..
ونقشوا أسماءهم في ذاكرة المجد...
أخلصوا النيّة..
وأتقنوا المهمة..
وأدوا الأمانة..
فكان إخلاصهم وعزيمتهم (وقود) إنجازاتهم..
ومن هؤلاء العظماء..
رجل في ملامحه تتشكّل لك صفات العظماء والأفذاذ..
من الهيبة المفطور عليها..
والمعية المشورة..
والحكمة في التصرف..
ومخزون العلم والثقافة والتاريخ وجميع علوم الحياة..
رجل سابق عصره ..فكان رجل عصره واحد أفذاذ زمانه...
ولد في الصمان في مطلع عام 1957 وبالتحديد في أول يوم من فبراير فكان الابن الثاني لشيخ قبيلة مطير ماجد بن عبدا لعزيز الفيصل الدويش ....فنهل من مدرسته الكبيرة وتأثر بشخصيته العظيمة التي كانت امتداداً لمدارس تاريخية بقت بقاء التاريخ .
حاز شهادة البكالوريوس في الاقتصاد بتقدير امتياز مع مرتبة الشرف ..وحصل على العديد من الدورات في الولايات المتحدة الأمريكية.. بتفوق علمي كانت (الإدارة) محوره الأساسي ..
لذا ( أدار ) بتمكنه سيرة ذاتية تستحق الاحترام ..
ادر ك أن (اللغة الانجليزية) سلاحاً لايمكن أن يدير الشخص أموره بدونه فحزم حقائبه باتجاه المملكة المتحدة وهناك حصل على دبلوم اللغة الانجليزية فأجادها إجادة تامة فأعطاها رونقاً خاصاً عندما يتحدث بها...أدرك أيضا أن الحياة القادمة تحمل ثورة في التكنولوجيا والتقنية فأتقن (نظم المعلومات) عندما درسها وعرف تفاصيلها ..
أدرك تاريخ (الأرض) من بطولات وقصص وانساب فأتقنه فأصبح مرجع مهماً لكل أحداثه رغم انه لم يتخصص في دراسته ولكن الموهبة لوحدها هي التي جعلته يلم بكل هذه العلوم..
[/URL]
في وزارة الأشغال كانت علاقته الأولى في العمل الحكومي منذ 1979 حتى انتقل إلي أمارة الرياض عام 1988 بوظيفة مستشار مرافق لسمو أمير الرياض صاحب السمو الملكي الأمير سلمان بن عبد العزيز إلي انتقل للعمل بوظيفة مستشار مرافق لصاحب السمو الملكي الأمير عبد العزيز بن فهد .. فكان نعم المستشار في أي مكان يحل فيه..
له محبة خاصة اجمع عليها الناس .... لأنه احترمهم فبادلوه المحبة والاحترام..وقف معم , وساندهم لم يبخل بجاهه ولاماله.. فكان أجماع تام على محبة رجل عظيم..
لم يكن الشيخ عبد الله بن ماجد بن عبد العزيز الفيصل الدويش الرجل المستشار والشيخ وسليل المجد ووريثه بحاجة إلي هذه السطور المتواضعة فهو محاط بالمجد من جميع أطرافه ولكن هي محاولة اعتبرها (صمت) أمام تاريخ يمشي على قدمين...
حاولت وحاولت أن اكتب عن سيرة هذا الرجل بما يليق بمكانته وشخصيته فكل محاولاتي أبت بالفشل ولكن دعوني استعرض معكم بعض من مشاعر الشعراء تجاه مواقفه الكبيرة وكذلك تهنئتهم له بعد العملية التي أجراها الأسابيع الماضية في يده اليمنى بفرنسا وتكللت ولله الحمد بالنجاح.......
ماهو مرض بس الندى باستراحه=والجود يبغاله من الظل مقيال
ماصاب يمنى المرجله والسماحه=إلا تعب من كثر ماترخص المال
يمنى بها الفزعه وطيب الصراحه=يجيلها مع ضيق الأيام مدخال
يمنى ن توردنا الغدير و قراحه=قويةٍ بالله لا شلهب اللال
حرن مناطيحه وخفقة جناحه=تشيل عنك من الغرابيل سربال
محمد الفهاد
سلامة يمين العطاء والمناعير=وسلامتك ياباذل الخير للناس
والله يابو تركي على اقل تفكير=فيك المشاعر صادقه صدق الأنفاس
فيك القصايد غير وانتم بعد غير=تفرق بشخصك مثل مايفرق الماس
ياكثر مالك عند أهل نجد تقدير=وتستاهله بالفعل ياطيب الراس
ماهي يمينك بس تبذل بها الخير=حتى شمالك طالها منك نوماس
مال لمرضها ياابيض الوجه تفسير=إلا أنها ممدودةٍ طيب وحساس
مديتها بالجود ياوجهة مطير=حتى نست مرجاعها زلها الباس
وبسطتها فزعة وطيب وتباشير=يوم أن غيرك غلها شح وإفلاس
هومات طيبك عند غيرك مخاسير=ناسٍ دراهمها على الحول درّاس
هلال المطيري
ريح القريحه كان هبت بهوجات=ودعالها ملواحها دعيت الطير
وغدالها جوف المغاليق زفرات=وقامت تدافع وسط صدري طوابير
اخترت من متوحشاتٍ مذيرات=مذعورةٍ تدهش عقول الشواعير
قنصتها من بين الافكار والذات=يوم انعزل لون الشفق حزة اعصير
ماصدرن من جوف صدري معيفات=لاشرعن عقب الظماء جمة البير
غيدن مواكرهن بعيدن وعسرات=تسوى من اوزان المذهب قناطير
للمرقب العالي شفاقن وشرهات=تدفعهن حقوق الرجال المناعير
حقٍ عليه كبر سلمى وابانات=للي معاريفه ماتقبل معاذير
شيخن لكل الناس نخوه وفزعات=ماخص بافعاله وفزعاته مطير
جمايله سحب ٍ حقاق ٍ وزافات=هذي همت ديم ٍ وهذي شخاتير
يلقابها الظامي ربيع وملذات=وينعم بها من غير منه وتقصير
وان خيمت سود السنين المخيفات=والوضع جاله في سماء الجو تعكير
تنصاه شيخان القبايل جماعات=ذولا مقابيل ٍ وذولا مدابير
له فوق هومات الرياجيل هومات=حر ٍ بوجهه للمعالي تباشير
سليل نطاح الامورالعظيمات=لاثار عج معسكرات المسامير
في ساقته للعز سطوه ورايات=وتفرح بمركاضه جموع وجماهير
جمع السبايا لانوى جأت دقلات=وقامت تتألا مع دروبه مقاطير
قلايعه خير الديار الشهيرات=اللي مراتعها خزام ونواوير
غير المهار النادرات الاصيلات=والشرف وسهاف البكار المغاتير
يستاهل الماهود والدرع بالذات=شيخن حماها بالسيوف البواتير
مشيخته قدام عصر القنوات=يوم أنها بحصان ورماح وبعير.
شيخن مال أمجاده وفعله نهايات= لأسولفوا بامجاد همام والزير.
مجده على روس الجبال المنيفات=مادونه فيلبي ودكسون بتقرير
اكبر من احبار القلم والروايات=واعظم من اجزال الشعر والتعابير
ولاضاع مجدن فات والشيخ مامات=مادام ابو تركي على الارض وبخير
فكره على الصمان والصلب مابات=كنه فابو سبعه ولو هو باغادير
ياشيخ قبل اخذ مع الوضع سجات=وتاخذني بحور الشعر والتفاكير
ماجور ومعافى وخير وسلاماتوعسى ماصابك دفع بلوى وتكفير
تركي الميزاني
انا لبوتركي على الطول ممنون=صميدع ترفى ضلوعي فعاله ٠٠٠
تبهج مطاليعه وتبرى به غبون=وتطيب به عين الشقي لاشكاله
من معدن غالن قديم ومثمون=ماجدولد عبد العزيز ارتكاله٠٠
ملك قلوب وخايلت زوله عيون=وصاغت طواريق الوفاء في٠خياله
٠انا رهين لطيب كفه ومرهون=رهين يمناه الشريف وشماله٠
يعل يسقيه اشقح الغيم بمزون=وجه مثل عيد الضحيه اقباله
ــــــــــــــــــــ
لاباس يانسل الرجال الوفيين=يا اللي لكم في سيرة المجدعنوان
تدري وش أكبر شي يسكن بها العين=لاعودت للوصف ياطير حوران
اني أشوفك من رجالن سلاطين=ولك مجلسن كأنه كماقصر دسمان
عبدالله الماجد ،،، ضحوك الحجاجين=حرام ،،، مامثلك شبيهآ ،،، ولاكان
خالدعبدالكريم العقيلي
طهور يايمنى الوفاء والمروآت=طهور يايمنى العطاء والجزايل_
طهور يايمنى الكرم والجمالات=طهور يايمنى حميد الفعايل_
طهور يايمنى حفيد البطولات=طهور يايمنى عظيم السلايل_
يمنى الدويش الي تعلآ المجرات=شيخ"شهر ذكره بفعل الجمايل_
عبدالله الماجد زبون الصعيبات=شيال عسرات الحمول الثقايل_
عسى حياته كل ابوها سلامات=وعمره يمده من يسوق المخايل_
الي زهت مدحه جزال العبارات=ولاقت علا وصفه حروف المثايل
حنيف ببن سعيدان
ــــــــــــــــــــــــــــ
ماجور يامن على راس الفخر هيمن=في قمة المجد متمركز ومتواجد ،،
الله يردك لنا يالنادر ، الأيمن=ياشيخنا يابو تركي ياولد ماجد ،،
سلامة الأربطه في متنك الأيمن=مالومها لو تقطع .. حملها واجد ،،
محمد عوض بن سرور
ــــــــــــــــــــــــــــــــ
لو كنت في باريس وبعيد ناتيك=نركب علا اللي تعتلي للغمامه
سلامتك ياشيخ والله يعافيك=طهور ونشوفك بخير وسلامه
عبدالله الماجد تنومس مباديك=انت الدويش اللي عليه الزعامه
من مثل ابو تركي زبون المداريك=عليه من جده وابوه العلامه
ياشيخ كل مطير اليا اعتزو فيك=انت اخو جوزا مجدهم في مقامه
ترا الألم من كثر ماتفعل ايديك=من طيب بين الناس تأخذ وسامه
ندعي لك الله ياعسا الله يحميك=وتعود للصمان معك السلامه
فيصل العوني.
ـــــــــــــــــــــــــــ
سلامات واللي جاك بأمر الولي طهور=وعسانا نشوفك في سعاده ومتعافي*
لعلك ابأمر الله وفي قدرته ماجور=ويشافيك مما فيك والله هو الشافي*
تفاعل مشاعرنا ونكتب ثلاث سطور=ولا توفي المقصود لو هي بالولافي*
يابوتركي انت النادر الوافي المسطور=ونبراس شوخ الشوخ في كل الاعرافي*
كلامي بشخصيتك دايم عليه قصور=وتسامحك ليه من تواضعك لي كافي*
الشاعر عبدالله المويس
احن يمناك يمنى بالعطاء مطلقه=ترفد من العالي الرب السميع العلي
يا مغرب الجود وانت اصلا بعد مشرقه=وشماله اللي يغيض وبالندى يمتلي
منين اوصفك ملقى لك مجال اطرقه=مالك سمي مع العرباء ولالك حلي
بين اشتباه با الاسماء شجرتك تفرقه=ماجد ولد عبد العزيز الباسل الفيصلي
والمجد والخيل والتاريخ والمعرقه=والسيف والرمح والشرفاء وموح الدلي
القلب نوح ا لحمام أضناه حتى اقلقه=في صفحته لوحة الذكرى ولا تنجلي
بغيت اكسر ضلوعي واليراع احرقه=واهز ضلعين بالقلب الدلوه الخلي
محمد الفهاد