منتديات الموازين الرسميه - عرض مشاركة واحدة

غير متواجد حالياً

بسم الله الرحمن
السلام عليكم ورحمة الله وبركاته .

مدخل :
حزين من الشتاء والا حزين من الظماء ياطير ؟!!
دخيل الريشتين اللي تضفك حل عن عيني
دخيل الماء ..وملح الماء..وحزن الماء قبل ماتطير
تهيا للهبوب اللي تصافق في شراييني
دخيل الغصن والظل الهزيل وهفهفات إعصير

صباحكم مساءكم طاعة ورضا من الرحمن .

(

)

(

أقدم لكم طبق بسيط ومتواضع أتمنى أن ينال على رضاكم .

المقادير والطريقة :

* الدجاج :

صدور دجاج منتفة أو دجاج مفروم كله واحد .ننقعها يوم كامل أو عدة ساعات في زبادي ملح فلفل أسود قرفة كمون زيت زيتون بصل وثوم مفروم ناعم .
بعدين نشوحه على النار بزيت إلى أن ينضج .

* تغميسة الطحينة :

زبادي طحينة سايلة مايونيز أو جبن سايل عصير ليمون نخلطه مع بعض .

*المخلل :

خيار جزر ليمون قرنبيط ( الأنواع اللي تحبونها ) تقطع أو تترك على طولها ونحطها بعلبة زجاجية ( أنا اصلحه بعلبة ورق عنب فاضية وعلبة الجبن السايل الحجم الكبير ) .
نضيف عليها رشة كمون ورشة فلفل أحمر بودرة وقرن فلفل أخضر حار
بعدين نضيف عليه ٢كأس ماء مغلي ونصف كأس ملح خشن وثلاثة أرباع الكأس خل أبيض ..آخر وأهم خطوة نصب زيت زيتون حيث إنه يشكل طبقة عازلة " حتى لايدخله الهواء ويعفن " .

يترك في مكان حار لمدة ثلاث ايام وكل مازات المدة أفضل .. بعدها يصير المخلل جاهز ..

صحة وعافية على قلوبكم ,,

مخرج :
دخيلك لاتشح بنجمتي والليل ممسيني
ترفرف يافقير الريش ضيقة والنهار قصير
علامك كل ماليل جناحك جيت ساريني
انا ماني بخير وجيت يمي وانت مانت بخير
وانا ياطير في من الهجاد اللي مكفيني
ترى لو شفت لي ظل ومهابه في عيون الغير
ترى كل الزهاب اللي معي جرحي وسكيني

الإداره: أجمل طبق لهذا الأسبوع