رد: *~ حواء في حوار هادئ مع نـــــ المشاعر ــــزف *~
كُتب : [ 03 - 10 - 10
- 07:50 PM ]
بسم الله الرحمن الرحيم
المرحلة الأولى
س1/ عرفينا على نفسك بشكل عام ؟
انسانه تحب الخير للغير وطيوبه مره
يعتمد عليها فديتها >> 
ومع الوقت رح تتعرفو علي أكثر
س2/ ذكرياتك في اول يوم دراسي ؟
الله مره شي ، بس أبكي
وكنت مولمه شنطتي عند باب الفصل أبي اطلع باسرع وقت
وبعد يومين تقريباً هجدت وعقلت وحبيت المدرسه
س3/ جميعنا مر بمرحلة المراهقة , ماذا تعني لك هذي الفترة ؟
مرحلة انتقاليه من الطفوله إلى النضج
وبصراحه هي مرحله حلوه وحرجه في نفس الوقت
س4/ عمرتودين لو يرجع بك الزمن إليه ؟ أو يتوقف عنده ؟
ودي أرجع شويات لايام الطفوله
كلها براءهـ وعفويه >>> 
س5/( حب البنت للكورة يخلي النفس مقهورة )
*رأيك بهذه المقولة ؟
الايام هذي ابصم بالعشرين
ان المقوله صحيحه
*وهل متابعة الكرة وتشجيعها يقتصر على الشباب ؟
قبل كان عيب البنت تشجع عند بعض الناس
وياويلها اللي تخالف هالقانون ^_^
والحين صار الامر عادي تشوف البنت جالسه
مع اخوانها تشجع وتقول :
شوت يمين - ناول - مرر - اوووف فاول >>> يمديكم
* والأهم هل انتي من متابعي ومشجعي الكرة ؟
وش فريقك ؟ ( خربتها البنت هههههه )
أشجع ع الصامت >>> الهلال
*صديقات تهاوشوا والسبب إن كل وحده متعصبة لفريق .
* فاز الليلة الهلال بكرة المدرسة او الجامعة انقلبت استاد الملك فهد
مانشوف إلا أبيض وأزرق
البنات لابسين لون الفريق والمصيبة إذا علقن صورة اللاعب الفلاني .
* خوات أو اخوان تهاوشوا والسبب إن واحد بيتابع مباراة
والثاني سبب له إزعاج او غير القناة .
مشاهد كثيرة واقعة وشاهدناها بام اعيننا . رأيك حول هذا ؟
بصراحه العصبيه الزايده مالها داعي
ولما يتهاوشو الاخوان والخوات والصديقات
ويزعلو من بعض عشان فريقهم خسر ولا مدري شو
هذا اعتبره تخلف ومحد داري عنهم اصلاً
بس تخيليني نزوفه وانا معلقه صورة لاعب بغرفتي
والله غير يعلقني ابوي في المروحه
س6/الإعجاب وما أدراك ما الإعجاب .
* بنظرك : ماهو تعريفك للإعجاب ؟
هو الاحساس اللي كلنا نعرفه >> احلفي
بس كل شخص وله طريقته في تعريفه والتعبير عنه
* ما اسبابه ؟
ممكن تكون احد اسبابه ودوافعه التقليد او حب المنافسه
* أنواعه , إذا ترين ان له انواع ؟
اعجاب منطقي : مثل اني اعجب بقوة بطريقة تفكير وحده وطريقة تعاملها مع المواقف
أو اعجب بطريقة تعاملها مع الناس باسلوب راقي ...
اعجاب غير منطقي : اني اعجب بفلانه لانها حلوه ولا لبسها مودرن وع الموضه
وهي ماتعرف اساساً وين الله حاطها فيه
* بصراحة . هل وقعتي في الإعجاب ؟ أم كنتي ضحية ؟
أي ان اخرى هي التي أعجبت بك !!
لا الحمدلله عمري مافكرت اعجب باحد
مو غرور بس كذا من الله
وانا بالثانوي نشبت لي وحده يقال معجبه
بس ترسل لي رسايل وتحطها بالشنطه
وربي كلامها مره ماله داعي كنها ولد اعوذ بالله
وشاف اخوي وحده من الرسايل
حسيت وجهي ضاع قدامه
* كيف نحد منه ؟
بالتوعيه في المدارس
والاساس يبدأ من المنزل
س7/التشقير والنمص والتاتوه أشياء باتت ضرورية عند اغلب النساء
وكأنها لاتدري ما حكمها او عقوبتها , *هل ترين انها ضرورية ؟
هو مو ضروري ، بس عند البعض من مكملات الجمال
* وهل سبق وان قمتي بتشقير حواجبك ؟ بصراحة . إذا نعم ,هل توعدينا بتركه ؟
للاسف نعم
وان شاء الله احاول ابطل واترك التشقير
لان من ترك شيئاً لله عوضه الله خيراً منه
س8/ نصيحة توجهيها لحواء بشان ماسبق ؟
عزيزتي حواء >>> لاياشيخه
لا جد والله :
الله يعيننا جميع على ترك مايغضب الله
وبس
انتظروني في المرحله الثانيه
|