كل شيً في الحياه يجيك حطه في وثيقه = خلها تبقى مع التاريخ لجيال(ن) بعدنا
لا تقول أخطيت في دربي وضيعت الطريقه = المعالم واضحه وفعولنا جت من جهدنا
الكلام الجزل لا جا في معانيه العميقه = لا تكلّمنا انثمن هرجنا محد(ن) نقدنا
ما نقول إلا صحيح الهرج ونعد الحقيقه = ما لها طعم الحياه إن كان منها مااستفدنا
الزمان يلفنا بين الثواني والدقيقه = والليالي علمتنا كيف نوفي في وعدنا
نرتكي للحمل فوق أمتونا لو مانطيقه = قوة أيمان وعزيمه من عرفنا ماجحدنا
والصديق اللي بوقت الضيق ما ينفع صديقه = لا قعد حنا وقفنا ثابتين ولا قعدنا
كان ماهو واقف(ن) معنا لعلّه في حريقه = والله انا ما نحطه فالزمن هذا سندنا
ما نقدر له جهود ولا نشجع له فريقه = يبتعد عنا وحنا من تواليه ابتعدنا
في زمان العولمه ما همنا صوت الموسيقه = لو يدقون الطبول أيمانا سيف(ن) بيدنا