ياشينها لاصرت ماتقدر على بعض الامور =لاصرت محتاج الجزال ولاقدرت تنولها
ودك تكون مع الرجال بعز مانته بمعثور = وكل العلوم الطيبه ودك تعن خيولها
لكن في هذا الزمن صارت على الطيب دبور=والحمل جاير والجمل عيا يشيل حمولها
ياوقتنا القاسي حرام انك على الطيب تجور=وتخلي الاقزام تلبس ثوب ماهوطولها
شيّختهم ياوقت والاالفعل واضح ومخبور=شاخت بكثر المال ماشاخت بطيب فعولها
والا الشجيع الي على درب العلا دمه يفور=لوماطلع بالمال جزلات الامور يطولها
يابوحسين الوضع مزري والرحا قامت تدور=حتى الحضارم لبست المشلح وكبت فولها
ويامسندالزحزوح اشوف البوم جاء بين الصقور=ليش الصقورالجارحه جات الحديّـا حولها
ويابن زبار الثعلب المكار جاء بين النمور=قضيةٍ صعبه ياملفي مالقيت حلولها
واليوم نبغا رايكم ياهل الشهامه والوقور=يااصحابنا الي بالجزيره من خيار زحولها
والعلم بيّــن والمثل واضح على مر العصور=الكلمه الي تستحي منها لزوم تقولها