هـــذا الزمن كـــــل الهلايم اتبدّا=والطيب بين الناس تربت يمينه
من ياسم البــــاطل حشا ما تقدّا=يبقى محـــارب في بقايا سنينه
جــــامل ياقلبي والتعب بالمـكدّا=بسبـــابتك تمسح وتجلي جبينه
أثبت يـــــاقلبي والهبـــايب تعدّا=مصيــرها ترجع لحـال السكينه
يــاذيب خلّه لــو تشـــوفه تحدّا=الخبــل مـــالمّت يمينــه سمينه
ضعفه صرف عنه المكارم ولدّا=والوجه شاشه للقلوب الضغينه
دامــه تعشّى الشيـن وإلاّ تغــدّا=نفسه مع المنقـــود دايم رهينه
ياصاحبي سم الـــدوا شتت الدّا=الصبــر طبّك والليــــالي تهينه
الــوقت بَيّن بيــن قطــع ٍ وشدّا=وحكم العلاقه بالحبـــال المتينه
كف العطا بريحــة خطايــاه ندّا=مِنّة على الرجـــال فعل الثمينه
ماهي غريبه لـــــو رفيقك تردّا=كم حر يزهق من حياته غبينه
زين العتب منهو على السر بدّا=عن مايكن الصـدر بينك وبينه
هــــذاك يطلب مـــايبي مـايردّا=والغاليه ترخص لروحه وعينه