مــن جديدي
شب فيًه عسى الله يحرق أعصابه =لا قربني ولا قفى وخلاني
قام يعرض شوي ويشمر أسلابه=ويتثنًى غصين الموز رياني
سهم عينه سطا فيه بمخلابه= صابني وارتكز من تحت الامتاني
صرت أقاوم شرسها وادفع ارهابه=بافتك سلاح رمش رفً ولساني
قلت يازين تسمع طاري عتابه=يوم تغزي مطير ويوم قحطاني
وانطوى نجد تحت البيت واطنابه=مثل كحل الغنوج بحجر الاعياني
ادرجت في سطر وتقول لي لابه=اصلهم منحدر من قيس عــيلاني
حدهم تمتنيه القـــــوم وتهابه=محتمينه بحـــد السيـــف شاماني
لاجل أهون لهيب الوضع بادعابه= قلت الاعراب فيهم طبع شيطاني
وأشرت لي باشارة غادر الغابه= لا يجي في العلوم خفاف واسماني