منتديات الموازين الرسميه - عرض مشاركة واحدة

غير متواجد حالياً

يا الله يا محيي رميم العظامي
ياكاشف الكربات عن كل مضيوم
ياواحد له حجنا والصيامي
بامره يزول الهم عن كل مهموم
تفرج لمن حارب لذيذ المنامي
واصبح من أوضاعه متيّم ومسقوم
جسمه نحيل وصار جلد وعظامي
كنه مريض من بلاويه مسموم
مالي خطية بس زاد اهتمامي
أعوي مثيل الذيب واحوم واعوم
أسباب هذا ياعزيز المقامي
بعض اتهامـات تـجـيـني بـقادوم
لا نيب غدار ولاني حرامي
الـحـمـد لله صـافـي الـقـلب يا قوم
ماشي على دربي بكل انتظامي
من شان ما يلحق على شخصي اللوم
أحاول افرض يا زميل احترامي
لـو شفتها مثل الجبل قلت معلوم
ون كان شفت اللي يزيد الملامي
رفـعـت يـدي قـلـت يـارب مـظلوم
واقوم أشد الحيل واربط حزامي
وامشي كما يمشي عزيزن ومحشوم
واترك طريق فيه شفت الظلامي
واسـيـر بـيـن الناس سيّد ومـخـدوم
وشلي بدرب كـل أبوه ازدحامي
مـا دام لــي منفذ فـلانـيـب مـلـزوم
أعيش في صف الرجال الكرامي
وابقى مع أهل الجود والرزق مقسوم
حالي كما هو حال طير الحمامي
لاضاق رفرف بالجناحين ويحوم
مانيب من يفرح بكثر الخصامي
لاصـرت خـصام ولكن مخصوم
هـات الـنتيجة يـارشيد الزلامي
عـجـل بـحـل يـا سنادي لمـحكوم
قـصة حـيـاتي جبتها بالتمامي
ماني من التبصير ياخوك معدوم
أخـر كلامي واختمه بالختامي
يـاعل ماني م ـن عطاياه محروم
وصلاة ربي كاملة والسلامي
على النبي اللي من العيب معصوم

منقوول ../ لشااعر :محمد لقفص العمري