هذه قصيده لشاعر :مشعل بجاد ناجع الميزاني المطيري قالها في وجها الخير الذين اعتقوا رقبة المدعو:ماجد غايب الدقش الميزاني المطيري واصر ابو بدر
على تنزيلها في منتدى الموازين وهو شاعر غني عن التعريف واليكم القصيده
سهرت يومن السهر رافق العين= عند الامير وذابحلي خروفه
مهمنا يامطير كثر الملايين= رجالنا لومات موته حسوفه
وقام الدويش وقام شيخ الرباعين=وحجاب ماتنسا امطير امعروفه
ابن نحيت اللي يفك المساجين=يقوم بالواجب مكرم ضيوفه
وان قام ابن جامع مع الفغم ياحسين= يقوم اخو حسنا ويترك ضروفه
وقاموا طحاطيح النشاما ملبين= كلن بذل جاهه ولا من كلوفه
ويالله يارب العباد المصلين= لعل قومتهم تصير مخلوفه
والفضل لله يوم صارت ملايين= وكلن لربه قام يرفع كفوفه
ومطير مثل الضلع بين الضلاعيين=ضلعن طويل وكل حيآ يشوفه
فيهم طحاطيحآ وفيهم سلاطين=والبيت بيت الله وكلآ يطوفه
سجينهم ماهو بمثل المساجين=قبيلته قامت تجمع اولوفه
اللي يجيد الفين يلحقهن الفين=واللي بشيك الطيبه ماتطوفه
ياليتكم شفتوا كما شفت بالعين=دراهمن عند الامين محذوفه
سروه بالدنيا ووصوه بالدين=ورتاح ابوه وبشروبه هنوفه
الله يبيض وجه شيخ الموازين=مواقفه عند اللزوم معروفه
الشيخ ابن مدلج على العسر واللين= شيخآ تشجعنا مضارب اسيوفه