بيض الله وجهك يا استاذ سالم على المحاوره و التحليل وهذا والله الكلام الصحيح (المقرحاني)
عندي بس اضافه بسيطه وماهي الا اجتهاد شخصي
( يا صاحبي ترى كمال العقل فالجسم السليم 00 اللي يصبرني على واجب فهم تشريفها )
التصرف من الزلامي يدل عن احساس بالنقص سواء بالعقل او غير هالشي الوكاد الدعوى احساس بالنقص دام ان الخصم سوار الذهب وابو غازي بما انه عند قبيلة فهم وبمثابة الضيف حشم اهل المحل وقدرهم اللي المفروض يحدوون الزلامي للعب ويقول سبب الامتناع اللي ماله مبرر مهما اختلقوا جمهور الزلامي من اعذار لكن بعد هالحفله ما اعتقد ان للزلامي سبب يمنعه من اللعب الا احساسه بأنه واثق على عدم مجاراته لابو غازي ولا عاد فيها عذر وانا اجزم ان اللي ماكان مصدق في هالكلام بعد هالحفله واللي كان يظن ان حنا جمهور دافعنا الحماس وبس صار واثق ان سوار الذهب كبير وواثق من نفسه ومتربع على عرش المحاوره ولا يصح الا الصحيح طال الزمن ولا قصر
( اليا اختلط ريش الغراب تموت يالطفل اليتيم ..ترى ليالك طيف وانته من مواري طيفها )
والبيت هذا بمثابة قول يالله حسن الخاتمه ون الانسان بعد ما يطير عنه الغراب اللي هو سواد الشعر يرجع الى ارذل العمر وصعوبه الاستيعاب ولا باقي بالعمر الا حلم ليله مجرد طيف ليل والدلاله على الوقت القصير المتبقي من العمر

واخيـــرا ما هو الا اجتهاد شخصي والتمس العذر منك يا بو رباح ومن جميع الاعضاء والزوار اذا فيه خطا فيما اجنهد فيه
دمتـــــــــم بـــــــود