إدارة وأعضاء وزوار منتديات الموازين
السلاام عليكم ورحمة الله وبركاته
أخجلتموني بترحيبكم وحفاوتكم وكرم أخلاقكم وطيب تعاملكم
وأتمنى أن أكون عند حسن ظنكم بي وأقدم لكم مصافحتي الأولى
في هذا المتواضعه راجياً من الله أن تنال إعجابكم وترتقي إلى ذائقتكم
إليكم وإلى من طلب مني أن تكون مصافحتي الأولى ( خط الشمال )
" |
إلى متى ؟ وأنا على خط الشمال وفالشمال=إليا متى ؟ والرجل للطرقه تعن خيولها
إلى متى ؟ وليا متي ؟ وليا متى يابن الحلال ؟=إليا متى ! في كل لحظه مرتين أقولها
أقولها في خاطري وأطرح على نفسي سؤال ؟=وإجابته فالخزنه اللي قفلت بقفولها
إجابته علم الليال اللي ورى غيب الليال=يالله عسى خير الليال يلد شر حمولها
الوقت حده حد موس وميلته جرف(ن) هيال=عزي لشمطان اللحا اللي به تزل رجولها
إن مال بي وقتي يارأسي مايميل إلا العقال=لكن أنا ماأميل مع ناس تطق طبولها
الله يقديني لدرب الغانمين من الرجال=والله يجنبني دروب أهل الردى وفعولها
وعساى أجمل وأتجمل كل ماجالي مجال=وعساى لامن قلت قول أقولها وأطولها
هقواتي قنوف السحاب وهامتي رؤس الجبال=والنفس أصبرها وميزان النفوس عقولها
سنين وأنا أخيل لي من يمه القبله خيال=من مزنة ماهل ماها وأنتظر همولها
لكن كانه حل خامس بعد رابع حول حال=سندت ولا أنحيت في عرض البلاد وطولها
والله يعينك يالجنوب ليا أمتلا صدر الشمال=الله يعينك لا أمتلا صدر الشمال تقولها
إضاءه
أنا من يتشرف بإنظمامه إلى هذا الصرح ولو كنت متأخراً ولكن
السابق تلحق تالي وتظهرها يدها والوعد قدام >>> ترى ماهو تحدي للشعار
مطلق بن دعيج