يا سعود لو افهـق ضلوعـي اوريـك=حرف الغلا في داخل الجوف غاشا
مكتـوب فـي قلبـي هنـوفـك تنـاديـك=خوفـي يصارحـهـا الـفـؤاد وتـلاشـا
سـد الحيـا مــردوم ويــدوم هـاويـك=في قلبي احـروف المشاعـر تماشـا
راس الزمـان الوقـت نآبـه تهالـيـك=مانـع خفوقـي حـرف خـوفٍ تواشـا
إمّا قطـع حظـي سيـوف العنـا ليـك=والاّ بــلاش نعيش...!حـبـه بـلاشـا
هــزّت خفـوقـي والثـوانـي مدابـيـك=خوفي يشيب الوقت ما زرت جاشا
ردّه يفك الصـدر مـن دون تحريـك=وهِنْـدام حرفـه (قِـد سبقكـم عكاشـا)
سامي بقلبـي مـن زمـان إلتهـا بيـك=واشعـل شمـوع الـود بالقلـب عاشـا
مطنـوخ مـن لحـم المعاليـق مهديـك=بنـك الغـلا فـيـه الآحاسـيـس كـاشـا
مـررت لـه حـرفٍ لحونـه مشابيـك=وغـرّد ب/صفحـة قلبـهـا بإنتعـاشـا
مملـوك قلبـه مـن عـهـود الممالـيـك=بانت لـي الصـوره وزدت اندهاشـا
معسول هَرجه يا حلا يـا هـلا فيـك=وبركان قـاف الشعـر ثايـر وطاشـا
قبـل يمـوت الـود فـي قـلـب مغلـيـك=عجّل نبـي نـروي عـروقٍ عطاشـا
هـاك الرسالـه اقرهـا كــان يمـديـك=تلحـق علـى قلـبٍ بـه الـحـب نـاشـا
بـهـا حـروفـي وارده يَــمْ مسـاقـيـك=تبغـى الـرُوى مـن يـم قلـبٍ تحـاشـا
يـا سعـود قلّـه خافـق الـود معطيـك=تـاج الغـرام اللـي عـلا عــزّ بـاشـا